អង់គ្លេស៖ លោក Paul Merson ដែលជាអតីតកីឡាកររបស់ Arsenal បានបង្ហើបថាក្លិប Manchester City, Manchester United,Liverpool និង Chelsea សុទ្ធតែមានសិទ្ធិអាចលើកពាន Premier League រដូវកាលក្រោយទាំងអស់។
Manchester City ដឹកនាំដោយ Pep Guardiola ជាម្ចាស់ជើងឯក Premier League រដូវកាល២០២០/២០២១ ដោយបានយកឈ្នះ២៧ប្រកួតក្នុងការប្រកួតសរុបចំនួន៣៨ប្រកួតនៅរដូវកាលមុនខណៈ Man United នៅឈរលេខរៀងទី២ ដោយចាញ់ក្រុមជើងឯក១២ពិន្ទុ។
Liverpool បានត្រឹមតំណែងលេខ៣ប៉ុន្តែនៅតែចាត់ទុកថាជាក្រុមដែលពុំគួរមើលរំលងខណៈដែល Chelsea ដឹកនាំដោយ Thomas Tuchel ស្រវាបានលេខ៤ ដូច្នេះទើបលោក Merson គិតថាក្លិបទាំង៤នេះនឹងប្រជែងគ្នាយកពាន Premier League រដូវកាលក្រោយទៀត។