អេស្ប៉ាញ៖ ក្លិប Atletico Madrid នឹងមិនលក់ខ្សែប្រយុទ្ធ Joao Felix នៅរដូវក្ដៅនេះឡើយបើទោះបីជាមានសំណើទាក់ចិត្តយ៉ាងណាក៏ដោយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សឈ្មោះរបស់ Felix ត្រូវបានគេយកមកនិយាយថាមានក្លិបជាច្រើនចាប់អារម្មណ៍កីឡាករសញ្ជាតិព័រទុយកាល់រូបនេះ បន្ទាប់ពីគេផ្ទេរពី Benfia មកកាន់ទឹកដី Wanda Metropolitano ក្នុងតម្លៃខ្លួនដល់ទៅ ១២៧លានអឺរ៉ូ(ស្មើនឹងប្រមាណ១៤៩.៤លានដុល្លារ) ។
កាលផ្ទេរមក Atletico Madrid មានមតិរិះគន់ជាច្រើនបានជះមកលើខ្សែប្រយុទ្ធវ័យ២១ឆ្នាំរូបនេះប៉ុន្តែនៅរដូវកាលមុនគេលេងបានល្អដោយរកបាន១០គ្រាប់និងបញ្ជូនបាល់៦គ្រាប់ និងបានជួយឲ្យក្លិបលើកពាន La Liga ទៀតផង។
យោងតាមសារព័ត៌មាន Marca គឺ Felix នឹងមិនត្រូវលក់ចេញទៅក្លិបផ្សេងដាច់ខាតដោយ Atletico Madrid ចង់រក្សាទុកគេរយៈពេលវែង៕
ប្រភព៖ football-espana