កូរ៉េខាងត្បូង ៖ ថ្មីៗនេះ SHINee បានបង្ហាញមុខលើគម្របទស្សនាវដ្ដី Marie Claire Korea ដែលនឹងចេញផ្សាយជាផ្លូវការនៅ ខែ សីហា ខាងមុខនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាមួយគ្នានេះដែរ សមាជិកក្រុម Minho និង Taemin បានផ្ដល់បទសម្ភាសន៍លើកឡើងពីខ្លឹមសារដ៏សែនមានន័យរបស់ពួកគេ សម្រាប់ខែ ឧសភា ឆ្នាំ ២០២១ ក្រោយបញ្ចប់ការផ្សព្វផ្សាយសម្រាប់អាល់ប៊ុម Don’t Call Me របស់ពួកគេ។
ដោយសារតែក្រុម SHINee បានបង្ហាញខ្លួននៅក្នុងខែ ឧសភា ឆ្នាំ ២០០៨ ទើបធ្វើឲ្យខែនេះ វាពិតជាពិសេសណាស់សម្រាប់ពួកគេ ព្រោះជារៀងរាល់ឆ្នាំក្រុមនេះតែងរៀបចំកម្មវិធីជួបជុំអ្នកគាំទ្ររបស់ពួកគេដែលមានឈ្មោះថា SHINee Day ដើម្បីអបអរការ Debut ក្នុងវិស័យតន្រ្តី Kpop។
ជាក់ស្ដែង ឆ្នាំនេះ ខែ ឧសភា វាកាន់តែពិសេសជាងនេះទៅទៀត ស្របពេលដែល Onew, Minho និង Key កំពុងបំពេញកាតព្វកិច្ចយោធារបស់ពួកគេ ធ្វើឲ្យក្រុមនេះមិនអាចធ្វើកម្មវិធីរួមគ្នាជាមួយគ្នាបានទេ ទើបប្រុសស្អាត Minho ដាច់ចិត្តទម្លាយអារម្មណ៍ពិតថា ៖
នៅពេលសមាជិករបស់យើងបានចុះឈ្មោះចូលបម្រើទ័ព វាគឺជាពេលដែលយើងមិនអាចធ្វើ SHINee Day ជាមួយគ្នាបាន។ ហើយដោយសារតែយើងមិនអាចនៅជាមួយគ្នានៅឆ្នាំក្រោយនៅថ្ងៃប្រារព្ធពិធីនេះនៅខែ ឧសភា ទើបឆ្នាំនេះ ខ្ញុំកាន់តែមានអារម្មណ៍ថាវាមានតម្លៃណាស់។
ស្របនឹងនេះដែរ Taemin ក៏បានចែករំលែកពីមូលហេតុដែលថាខែ ឧសភា វានេះមានគុណតម្លៃ និងសំខាន់ចំពោះលោក ៖
ខ្ញុំចង់បង្កើតស្នាដៃថ្មីៗជាច្រើន ប៉ុន្តែដោយសារតែមិនមានពេលវេលាច្រើនទេ។ ពេលខ្លះខ្ញុំមានអារម្មណ៍ថាវាគួរឲ្យសោកសៅដែរ ហើយខ្ញុំក៏មានអារម្មណ៍សោកស្តាយចំពោះអ្នកគាំទ្រផងដែរ។ ខ្ញុំចង់ចំណាយពេលមួយខែ ក្នុងខែអបអរសាទរខួបរបស់ពួកយើង ដោយបន្សល់ទុកនូវអនុស្សាវរីយ៍ល្អៗ ជាមួយអ្នកគាំទ្រ។
ប្រភព ៖ Koreaboo
Bong I.T