iPhone ជំនាន់ថ្មីអាចនឹងមានមុខងារ always-on displays ដូចនៅលើ Apple's Watch ដែរ

បរទេស៖ របាយការណ៍ថ្មីមួយពីលោក Mark Gurman នៃទីភ្នាក់ងារព័ត៌មាន Bloomberg បាននិយាយថា ទូរសព្ទ iPhone ឆ្នាំ២០២១ អាចនឹងមានមុខងារ always-on display ស្រដៀងគ្នានឹង Apple’s Watch ដែលទូរសព្ទ Android មានជាយូរមកហើយ។ លោក Gurman បានសរសេរនៅក្នុងព្រឹត្តិប័ត្រ Power On របស់គាត់ថា ទូរសព្ទនឹងមានអាយុកាលនៃថ្មកាន់តែប្រសើរជាងមុន មានថ្ងាសឆក (notch) តូចជាងមុន ការថតវីដេអូកាន់តែប្រសើរ មាន 120Hz refresh rate និងដំណើរការដោយឈីប A15 លឿនជាងមុន។

នេះមិនមែនជាលើកដំបូងនោះទេ ដែលការលេចធ្លាយមួយបានលើកឡើងថា Apple កំពុងធ្វើការលើមុខងារ always-on screens សម្រាប់ iPhones ជំនាន់ក្រោយ។ អ្នកបង្ហើបព័ត៌មានបែកធ្លាយ លោក Max Weinbach បានបង្ហាញតម្រុយកាលពីដើមឆ្នាំនេះថា Apple អាចនឹងប្រើប្រាស់បន្ទះសីតុណ្ហភាពទាប polycrystalline oxide (LTPO) ដូចមាននៅលើនាឡិកា សម្រាប់ iPhone នាពេលអនាគតដែរ។

វាត្រូវគ្នានឹងរបាយការណ៍មុនរបស់ Bloomberg ដែលថា យ៉ាងហោចណាស់ មានទូរសព្ទ iPhone មួយក្នុងចំណោមបួន នឹងបំពាក់បន្ទះបង្ហាញ LTPO។ បច្ចេកវិទ្យានេះបានជួយកែសម្រួល refresh rate លើអេក្រង់នាឡិកា ដើម្បីរក្សាអាយុកាលនៃថ្ម។ អ្នកវិភាគ Ming-Chi Kuo ក៏បាននិយាយផងដែរ កាលពីដើមឆ្នាំនេះថា ម៉ូឌែល Pro iPhones ដែលនឹងមកដល់នៅឆ្នាំនេះ នឹងមានបន្ទះបង្ហាញ LTPO និង 120Hz refresh rates៕

ប្រភព: The Verge