អីយ៉ាស់! ជម្រើសជាតិអង់គ្លេសរូបនេះបានព្រមព្រៀងលក្ខខណ្ឌផ្ទាល់ខ្លួនជាមួយ Man City ហើយ

អង់គ្លេស៖ យោងតាមសេចក្ដីរាយការណ៍ពី The Ahletic គឺ ខ្សែបម្រើ Jack Grealish បានព្រមព្រៀងលក្ខខណ្ឌផ្ទាល់ខ្លួនក្នុងការផ្ទេរមកក្លិប Manchester City ហើយ។

ក្លិប Aston Villa ក៏ត្រូវបានគេរាយការណ៍ថាបានទទួលយកសំណើរបស់ Manchester City ដែរខណៈដែលកាលពីខែមុនគឺ មានព័ត៌មានជាច្រើនបានចុះផ្សាយថា Grealish នឹងក្លាយជាកីឡាកររបស់ Man City ក្រោយព្រឹត្តិការណ៍ Euro 2020 ចប់សព្វគ្រប់។

Man City បានដាក់សំណើទឹកប្រាក់ចំនួន៨៨លានផោន(ស្មើនឹងប្រមាណ ១២១លានដុល្លារ) សម្រាប់ទិញយក Grealish ពី Aston Villa ។

សារព័ត៌មានបានបង្ហើបថាការចរចាបញ្ចប់ដោយជោគជ័យ ហើយ ប្រធានក្រុម Aston Villa រូបនេះនឹងផ្ទេរមកទឹកដី Etihad បន្ទាប់ពីចូលលេងបាន២១៣ប្រកួតជាមួយក្លិប Aston Villa ដោយរកបាន៧៥គ្រាប់។

គួរបញ្ជាក់ផងដែរងា Jack Grealish ក៏ត្រូវបានលោកគ្រូបង្វឹក Gareth Southgate កោះហៅឲ្យចូលលេងនៅជម្រើសជាតិអង់គ្លេសសម្រាប់ព្រឹត្តិការណ៍បាល់ទាត់ Euro 2020 កន្លងទៅនេះដែរដោយគេបានរួមចំណែកជួយឲ្យក្លិបស្រវាបានតំណែងជាជើងឯករងទៀតផង៕

ប្រភព៖ caughtoffside