មើលមិនចង់ស្គាល់ មាស សុខសោភា ទម្លាយរូបខ្លួនកាលទៅលេងប្រាសាទអង្គរវត្តតាំងពីជាង១០ឆ្នាំមុន

ភ្នំពេញ៖ មាស​ សុខសោភា គឺជាតារាចម្រៀងខ្មែរមួយរូបដែលមានទឹកដមសំនៀងស្រទន់ អាចច្រៀងបានគ្រប់បទគ្រប់ចង្វាក់ នាងគឺជាសិល្បករដែលមានកេរ្តិ៍ឈ្មោះល្បីល្បាញម្នាក់ មានមហាជនគាំទ្រទូទាំងប្រទេស។ ជាពិសេសតាំងពីចូលសិល្បៈមក ប្រជាប្រិយរបស់ សោភា កាន់តែកើនឡើង។

មាស សុខសោភា មិនត្រឹមតែមានសំនៀងពិរោះនោះទេ សម្រស់របស់នាងគឺស្រស់ស្អាតតាមបែបធម្មជាតិទៀតផង ទោះបច្ចុប្បន្នមានអាយុខ្ទង់៣០ក៏ពិតមែន ប៉ុន្ដែ​ សោភាព នៅតែក្មេងជាងវ័យ ទោះស្លៀកសម្លៀកបំពាក់អ្វីក៏លេចធ្លោរគ្រប់ពេល។ 

មិនតែប៉ុណ្ណោះ យើងតែងតែឃើញតារាសំនៀកឯកម្នាក់នេះ បង្ហោះរូបថ្មីៗនៅលើបណ្ដាញសង្គមជាបន្តបន្ទាប់។ ពេលនេះក៏មិនខុសរាល់ដងដែរ សោភា បានបង្ហោះរូបដើម្បីឲ្យបងប្អូនប្រិយមិត្តបានឃើញ ប៉ុន្ដែប្លែកត្រង់ថា នាងបានទម្លាយរូប៣សន្លឹកប្លែកភ្នែក។ 

អ្វីដែលគួរឲ្យចាប់អារម្មណ៍នោះគឺ​ រូបមួយនេះ ថតតាំងពីឆ្នាំ២០១០មកម្លេះ កាលនោះ សោភា បានឈរថតមាត់ទឹកក្នុងទីធ្លាប្រាសាទអង្គរវត្ត។ ហើយដែលទាក់ភ្នែកទៀតនោះ គឺនាងបានស្លៀកឈុតពណ៌ក្រហមឆេះតែម្ដង មើលឡើងមិនចង់ស្គាល់។ 

មហាជនប្រហែលជាគិតថា មាស សុខសោភា កំពុងតែនឹកដល់ប្រាសាទអង្គរវត្តហើយ បានជាសុខៗបង្ហោះរូបថតកាលនៅក្មេងខ្ចីដែលថតតាំងពីជាង១០ឆ្នាំមុនបែបនេះ ធ្វើឲ្យហ្វេនៗចូលខមិនព្រោងព្រៀតនិងចុចស៊ែរតៗគ្នា៕