ភ្នំពេញ៖ មហាជនដឹងហើយថា ពេជ្រ សូលីកា គឺជាតារាចម្រៀងស្រីដែលមានសំនៀងពិរោះ សម្រស់ស្រស់ស្អាតនិងមានជីវិតស្នេហាដ៏ផ្អែមល្ហែមអ្នកណាក៏ច្រណែន។ តាំងពីចូលសិល្បៈមកដល់បច្ចុប្បន្ន តារាចម្រៀងស្រីរូបនេះ ទទួលបានការស្រលាញ់គាំទ្រពីមហាជនជាច្រើន ចំណែកឯប្រជាប្រិយភាពវិញ កាន់តែកើនឡើងពីមួយថ្ងៃទៅមួយថ្ងៃ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សពេជ្រ សូលីកា នាងតែងតែបង្ហោះរូបស្អាតៗជាច្រើននៅក្នុងបណ្ដាញសង្គម ដើម្បីឲ្យហ្វេនៗដែលជាអ្នកគាំទ្រស្រលាញ់ចូលចិត្តបានឃើញ។ ម៉ាក់ៗរូបនេះ រក្សាសម្រស់បានយ៉ាងល្អ ពេលបង្ហោះរូបម្ដងៗបញ្ចេញសម្រស់ឈ្នះអស់នារីក្រមុំ។
ថ្មីៗនេះ នាងបានបង្ហាញខ្លួនជាមួយនឹងស្ទាយ៍ថតថ្មី លើសពីនោះគឺការតុបតែងខ្លួនមកលើកនេះ ប្លែកភ្នែកហ្វេនមែនទែន។ មើលមួយក្រឡេក ម៉ូតសក់ថ្មីពណ៌ប្រផេះលាយពណ៌ខ្មៅ ពិតជាទាក់ភ្នែក ជាពិសេសផាត់មុខបែបស៊ិចស៊ីមានមុនស្នេហ៍មិនធម្មតា ព្រោះនេះជាស្ទាយ៍ថ្មីដែល ពេជ្រ សូលីកា មិនដែលលេងខ្លួនបែបនេះពីមុនមក៕