កំណត់ត្រាថ្មី! ២៤ម៉ោង ថៃ​មានអ្នកឆ្លង និងស្លាប់ដោយសារកូវីដ១៩ច្រើនបំផុត មិនធ្លាប់មានពីមុនមក

បាងកក៖ ក្រសួងសុខាភិបាលថៃបានរាយការណ៍នៅព្រឹកថ្ងៃសៅរ៍នេះថា ​ក្នុងរយៈពេល២៤ម៉ោងចុងក្រោយនេះ ប្រទេសថៃមានអ្នកស្លាប់ដោយសារជំងឺកូវីដ១៩ថ្មី រហូតដល់ទៅ ១៤១នាក់ ខណៈមានអ្នកឆ្លងថ្មី ១០,០៨២នាក់​។ បើតាមប្រភពព័ត៌មាន Bangkok Post។

គួរឱ្យដឹងដែរថា ក្នុងចំណោម អ្នកឆ្លងថ្មីទាំង​ ​១០,០៨២នាក់ គឺមាន ១២៧នាក់ ជាអ្នកទោសពន្ធនាគារ។ ​ហើយបើគិតមកត្រឹមថ្ងៃនេះ ថៃមានអ្នកឆ្លងកូវីដ១៩ សរុប ៣៩១,៩៨៩នាក់ ជាសះស្បើយ ២៧៨,១៨៤នាក់ និងស្លាប់ ៣,២៤០នាក់៕