ពាក់រ៉ូបសាមញ្ញមែន តែសម្រស់ សីន យូប៊ីន ធ្វើឲ្យកាន់តែមានមន្តស្នេហ៍ទាក់ទាញ

កម្សាន្ត៖​ តារាសម្ដែងស្រី ប្រចាំប្រទេសកម្ពុជា ស៊ីន យូប៊ីន មានទេពកោសល្យខ្ពស់ មានសមត្ថភាពសម្ដែងបានគ្រប់រសជាតិយ៉ាងស្ទាត់ជំនាញ លើសពីនោះ នាងមានសម្រស់ស្រស់ស្អាតបែបខ្មែរ មើលត្រង់ណាក៏មិនទើសនោះដែរ។ យូប៊ីន ទទួលបានការស្រលាញ់គាំទ្រពីសំណាក់មហាជន ជាពិសេសយុវវ័យតែងតែគាំទ្ររូបនាងជានិច្ច។ 

តារាស្រីញញឹមស្រស់រូបនេះ តែងតែចែករំលែករូបភាពរបស់នាងទៅកាន់មហាជនតាមរយៈបណ្ដាញសង្គមជារឿយៗ រូបថតដែល យូប៊ីន បញ្ចេញមកមួយៗសុទ្ធតែស្រស់ស្អាតរកចន្លោះមិនបាននោះទេ។ មុននេះបន្តិច នាងបានបង្ហោះរូបប៉ុន្មានសន្លឹកក្នុងឈុត រ៉ូបពណ៌ខ្មៅ ស្បែកជើងប៉ាតាពណ៌ស តែងខ្លួនបែបសាមញ្ញៗ ប៉ុន្តែស្រស់ស្អាតទាក់ទាញ ហ្វេនៗនាំគ្នាចូលទៅខមិនសរសើមិនដាច់ពីមាត់។ 

សម្រស់របស់ ស៊ីន យូប៊ីន មិនមែនលេងសើចទេ ទោះបីស្លៀកតែរ៉ូបធម្មតា មិនបានផាត់មុខក្រាស់ៗ ក៏មើលទៅស្អាតមានមុន្តស្នេហ៍ខ្លាំង។ ហ្វេនៗមិនដែលអូសរំលងនោះឡើយ តែងតែចូលទៅសរសើសម្រស់អាយដលខ្លួនជានិច្ច៕​