អេស្ប៉ាញ៖ ព័ត៌មានចចាមអារ៉ាមថាក្លិបអ្នកមានបុណ្យ Barcelona នឹងប្ដូរ ខ្សែប្រយុទ្ធ Antoine Griezmann យក Saul Niguez ពី Atletico Madrid បានផ្ទុះឡើងដោយសារព័ត៌មានធំៗសុទ្ធតែបានចុះផ្សាយពីរឿងនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សហើយអ្វីដែលអ្នកគាំទ្រសង្ស័យកាន់តែខ្លាំងគឺ កីឡាករសញ្ជាតិបារាំងរូបនេះពុំមានមុខនៅក្នុងការផ្សព្វផ្សាយឯកសណ្ឋានក្រៅដីនារដូវកាល ២០២១/២០២២ របស់ក្លិប Barcelona ឡើយទាំងដែលរូបភាពបែកធ្លាយមួយសន្លឹកបានបង្ហាញថា Griezmann ពិតជាបានថតផ្សាយឯកសណ្ឋានថ្មីនេះដែរតែមិនត្រូវក្លិបរួមបញ្ចូលក្នុងវីដេអូឡើយ។
ឯកសណ្ឋានរដូវកាលថ្មីនេះមានពណ៌ស្វាយខ្ចី ដែលវាជាសញ្ញាណបង្ហាញពីភាពស្មើគ្នារវាងបុរសនិងនារីហើយអាវនេះបង្កើតឡើងដើម្បីលើកតម្កើងសិទ្ធិរបស់នារីផងដែរ។លក្ខណៈពិសេសរបស់ឯកសណ្ឋានក្រៅដីថ្មីនេះគឺមានពាក្យ "ពួកយើងនឹងរឹងមាំជាមួយគ្នា" ដោយមានកីឡាករដូចជា Frenkie De Jong, Pedri, Gerard Pique និង Sergio Roberto ជាអ្នកផ្សព្វផ្សាយខណៈអាវរបស់ Lionel Messi ក៏មានដាក់លក់ក្នុងហាងផងដែរ។
យ៉ាងណាមិញ វីដេអូផ្សព្វផ្សាយឯកសណ្ឋានថ្មីនោះបានធ្វើឲ្យអ្នកគាំទ្រចាប់អារម្មណ៍ថាគ្មានមុខ Antoine Griezmann លេចមុខសូម្បីបន្តិចខណៈអ្នកសារព័ត៌មាន Fabrizio Romano បានបង្ហើបថា ទាំង Griezmann ចង់ផ្ទេរទៅ Atletico Madrid វិញឯ Saul ចង់ផ្ទេរមក Barcelona ។
គួរបញ្ជាក់ផងដែរថា Griezmann ផ្ទេរមក Barcelona កាលពីឆ្នាំ២០១៩ ពីក្លិប Atletico Madrid ប៉ុន្តែឆ្លងកាត់ពីររដូវកាលមកនេះ ខ្សែប្រយុទ្ធរូបនេះលេងមិនសូវជាបានល្អដូចនៅក្លិបចាស់របស់គេនោះឡើយ៕
ប្រភព៖ marca