អឺរ៉ុប៖ លោក Antonio Cassano ដែលជាអតីតកីឡាកររបស់ Real Madrid បានបង្ហើបថាលោកមិនចង់ឲ្យ អ្នកចាំទី Gianluigi Donnarumma ផ្ទេរទៅលេងនៅ ក្លិប Paris Saint-Germain នោះឡើយព្រោះអ្នកចាំទីឆ្នើម គេមិនផ្ទេរទៅក្លិបនេះទេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ពេលឮព័ត៌មានផ្លូវការទាក់ទងនឹងការផ្ទេរទៅ PSG របស់ Donnarumma ដែលទើបតែជួយអ៊ីតាលី លើកពាន Euro 2020 ថ្មីៗនេះ លោក Cassano ក៏បានបង្ហាញអារម្មណ៍មិនសូវសប្បាយចិត្ត។
កីឡាករវ័យ២២ឆ្នាំរូបនេះបានចាកចេញពី AC Milan ដោយគ្មានតម្លៃខ្លួន ដើម្បីផ្ទេរទៅលេងនៅ PSG ដោយចុះកុងត្រារហូតដល់ឆ្នាំ២០២៦ឯណោះ។
លោក Cassno វិញបែរជាគិតថា Donnarumma គួរតែផ្ទេរទៅក្លិបល្បីៗនិងសំបូរកីឡាករឆ្នើមៗដូចជា Real Madrid, Barcelona ឬ Bayern Munich ដោយចង់ឲ្យកីឡាករសញ្ជាតិអ៊ីតាលីរូបនេះពិសោធន៍ថាខ្លួនឯងជាអ្នកចាំទីឆ្នើម។
លោកបានថ្លែងប្រាប់ Bobo TV ថា៖
ហេតុអី?បើគេជាអ្នកចាំទីល្អក្នុងលោក ហេតុអីបានជា Bayern Munich, Real Madrid និង Barcelona មិនតាមទិញយកគេ? Neuer មានអាយុ៣៦ឆ្នាំ បើសិន Donnarumma ជាអ្នកចាំទីល្អមែននោះគេប្រាកដជាចូលមកដណ្ដើមតំណែងរបស់ Courtois និង Ter Stegen តែគេបែរជាផ្ទេរទៅ PSG ទៅវិញ។
សម្ដីបែបនេះធ្វើឲ្យគេយល់ថា លោក Cassano ចង់ឲ្យ Donnarumma ផ្ទេរទៅក្លិបមួយក្នុងចំណោមក្លិបខ្លាំងទាំងបីនេះ៕
ប្រភព៖ marca
Bong I.T