បរទេស៖ សារមន្ទីរតារាសាស្ត្រធំជាងគេបំផុតនៅលើពិភពលោក កំពុងបើកនៅក្នុងទីក្រុងសៀងហៃ ហើយវាមានរូបរាងកោងនិងស្មុគស្មាញ ដែលបញ្ជាក់ពីធរណីមាត្រនៅក្នុងអវកាស។ ដោយមិនមានបន្ទាត់ត្រង់ឬមុំកែងត្រូវបានប្រើប្រាស់នៅទូទាំងរចនាសម្ព័ន្ធអាគារ វាត្រូវបានគេបង្កើតរាងធ្នូត្រួតគ្នាបី ដែលសំដៅទៅលើគន្លងផ្សេងៗនៃអង្គអវកាស។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សសារមន្ទីរតារាសាស្ត្រសៀងហៃដែលមានទំហំ៣៩០១៩ម៉ែត្រក្រឡា ដែលជាសាខាសារមន្ទីរវិទ្យាសាស្ត្រនិងបច្ចេកវិទ្យាសៀងហៃ នឹងធ្វើជាកន្លែងតាំងពិព័រណ៍ សាលចក្រវាល កន្លែងអង្កេតតារាសាស្ត្រ និងតេឡេទស្សន៍ព្រះអាទិត្យកម្ពស់ជាង២៣ម៉ែត្រ។ វាត្រូវបានផ្ដើមគំនិតឡើងដោយក្រុមហ៊ុនអាមេរិក Ennead Architects ដែលកាលពីឆ្នាំ២០១៤ បានឈ្នះការប្រកួតប្រជែងអន្តរជាតិ នៃការរចនាអាគារ។
ការរចនាឡើងនេះត្រូវបានយកគំរូម៉ូតតាមគន្លងផ្សេងៗនៅក្នុងលំហអវកាស ដោយរួមមានចលនាភព ព្រះចន្ទ និងផ្កាយ ដោយផ្អែកលើទំនាញដែលជាប់ទំនាក់ទំនងជាមួយគ្នា។ ផ្នែកបាតខ្ទះដូមកញ្ចក់នៅខាងលើដំបូលអាគារ ផ្ដល់នូវទិដ្ឋភាពដែលអាចមើលឃើញមេឃពេលរាត្រី ដែលជាអ្វីគេចង់បង្ហាញពីទិដ្ឋភាពពិតនៃចក្រវាល ដោយរួមបញ្ចូលបទពិសោធន៍គំរូមកជាមួយផងដែរ៕
ប្រភព: CNN