អង់គ្លេស៖ អ្នកចាំទី Dean Henderson នៃក្លិបបិសាចក្រហម Manchester United បានបង្ហើបអារម្មណ៍ពិតថាគេពិតជាហត់នឿយនិងមិនសប្បាយចិត្តទេក្នុងការដណ្ដើមជម្រើស១១នាក់ដំបូងជាមួយអ្នកចាំទី David De Gea ព្រោះគេបានព្យាយាមធ្វើគ្រប់យ៉ាងដើម្បីបង្ហាញសមត្ថភាពខ្លួនឯងឲ្យលោកគ្រូ Ole Gunnar Solskjaer បានឃើញតែបែរជាត្រូវរងរបួសទៅវិញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
Henderson បានបង្ហាញខ្លួនឲ្យបិសាចក្រហមចំនួន២៦ប្រកួត ក្រោយត្រឡប់មកពីលេងខ្ចីជើងនៅក្លិប Sheffield រួចមក ហើយថ្មីៗនេះគេជួបនឹងហេតុការណ៍ខកចិត្តមួយគឺរងរបួសកំលុងពេលហ្វឹកហាត់ទើបធ្វើឲ្យគេត្រូវដកឈ្មោះចេញពីក្រុមជម្រើសជាតិអង់គ្លេសក្នុងព្រឹត្តិការណ៍ Euro 2020។
អ្នកចាំទីវ័យ២៤ឆ្នាំរូបនេះបានប្រាប់ talkSPORT ថា៖
ស្តាប់ណា បន្ទាប់ពីរដូវកាលមុន អ្វីគ្រប់យ៉ាងវាមើលទៅពិបាកសម្រាប់ខ្ញុំណាស់។ ខ្ញុំខំធ្វើការរាល់ថ្ងៃ ហ្វឹកហាត់រាល់ថ្ងៃ ដើម្បីបង្ហាញសមត្ថភាពនៅ Man United ។ ខ្ញុំឆ្លងកាត់ឧបសគ្គជាច្រើនដើម្បីបានលេងនៅឈុតធំ។ខ្ញុំពិតជាឈឺចាប់និងហត់នឿយណាស់។ ខ្ញុំពិតជាមានការហត់នឿយផ្នែកផ្លូវចិត្តណាស់ ខ្ញុំបានធ្វើគ្រប់យ៉ាងដើម្បីបានចូលលេងក្នុងក្រុមតែក្នុងនោះក៏ព្រួយបារម្ភថាខ្ញុំអាចចូលលេងក្នុងក្រុមបានឬអត់។ ពេលខ្ញុំបានលេង ខ្ញុំក៏លេងបានល្អបន្ទាប់មកក៏រងរបួសធ្វើឲ្យអ្វីគ្រប់យ៉ាងមើលទៅវាពិបាកណាស់៕
គួរបញ្ជាក់ផងដែរថា អ្នកចាំទី Dean Henderson ផ្ទេរមកពីក្លិប Carlisle United មក Man United តាំងពីឆ្នាំ២០១១ ដោយឆ្លងកាត់ឈុតយុវជនមុននឹងបានឡើងមកលេងនៅឈុតធំកាលឆ្នាំ២០១៥៕
ប្រភព៖ goal
Bong I.T