អង់គ្លេស៖អតីតគ្រូបង្វឹករបស់ Manchester United គឺ Jose Mourinho ព្រមទទួលស្គាល់ត្រង់ៗថាកាលនៅដឹកនាំឯទឹកដី Old Trafford គឺលោកគ្រូពិតជាចូលចិត្តប្រើធម៌ក្ដៅនិងចិត្តអាក្រក់ដាក់ខ្សែការពារ Luke Shaw ពិតមែន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ក្រោយ Ole Gunnar Solskjaer ចូលមកដឹកនាំជំនួស Mourinho គឺ Shaw បានក្លាយជាកីឡាករជួរមុខម្នាក់របស់ Man UTD ដោយបង្ហាញខ្លួនក្នុងការប្រកួតញឹកញាប់ណាស់ រហូតដល់ត្រូវបានលោកគ្រូ Gareth Southgate កោះហៅឲ្យចូលក្រុមជម្រើសជាតិអង់គ្លេសសម្រាប់លេងនៅ Euro 2020 ទៀតផង។
យ៉ាងណាមិញ ទោះកីឡាករវ័យ២៦ឆ្នាំរូបនេះលេងបានល្អនិងថែមទាំងបញ្ជូនបាល់បាន៣គ្រាប់ក្នុងការប្រកួតនេះក៏ដោយក៏អតីតគ្រូបង្វឹក Mourinho នៅតែព្យាយាមរិះគន់និងលើកយកគុណវិបត្តិរបស់គេមកនិយាយប៉ុន្តែពេលនេះ លោកគ្រូបង្វឹករបស់ Roma រូបនេះព្រមទទួលស្គាល់ថាវិធីនៃការគ្រប់គ្រង Luke Shaw កាលនៅ Man United ប្រហែលជាខុសឆ្គងហើយ។
លោកបានថ្លែងប្រាប់ talkSPORT ថា៖
ខ្ញុំតែងតែព្យាយាមស្វែងរកចំណុចខ្សោយរបស់កីឡាករហើយជួនកាល ខ្ញុំរកបាន ជួនកាលខ្ញុំរកមិនបាន។ ពេលខ្លះខ្ញុំក៏ចូលចិត្តប្រើប្រាស់វិធីត្រជាក់ដើម្បីធ្វើឲ្យពួកគេលេងកាន់តែល្អ ខ្លះក៏ប្រើធម៌រាងក្ដៅ ឬដាក់សំពាធកីឡាករទាំងនោះ។ ប្រហែលជាខ្ញុំរាងកាចដាក់គេ(Luke Shaw) ច្រើនខ្លាំងណាស់ហើយ ហើយគេមើលទៅដូចជាមិនទាន់ត្រៀមខ្លួនរួចរាល់នឹងទទួលយកទេ។ ខ្ញុំបានតែផ្ញើពាក្យអបអរទៅកាន់គេ ព្រោះគេបានបង្ហាញសមត្ថភាពខ្លួនឯងរហូតបានចូលលេងនៅជម្រើសជាតិ។ ខ្ញុំនៅតែគិតថាគេអាចលេងបានល្អជាងនេះ ហើយគេមានទេពកោសល្យល្អណាស់៕
ប្រភព៖ metro
Bong I.T