អីយ៉ាស់! ទាំង Arsenal និង Man UTD សុទ្ធតែចង់បានកីឡាកររបស់ Barca រូបនេះ

អង់គ្លេស៖ យោងតាមសេចក្ដីរាយការណ៍គឺក្លិប Arsenal និង Manchester United កំពុងចាប់អារម្មណ៍ចង់ទិញយកខ្សែការពារ Samuel Umtiti។

Umtiti ត្រូវរបួសញាំញីមិនស្រាកស្រាន្តតាំងពីព្រឹត្តិការណ៍បាល់ទាត់ពិភពលោកឆ្នាំ២០១៨ ដែលធ្វើឲ្យគេមិនសូវជាបង្ហាញមុខលើទីលាន ព្រោះរបួសលាប់ញឹកញាប់ពេកដូច្នេះយោងតាម El Gol គឺ Barcelona ទំនងជាលក់កីឡាករសញ្ជាតិបារាំងរូបនេះចេញនៅរដូវក្ដៅនេះ។

មានក្លិបនៅ Premier League ពីរដែលកំពុងតាមដានស្ថានការណ៍របស់ Umtiti គឺ Arsenal និង Manchester United ប៉ុន្តែមិនទាន់មានក្លិបមួយណាចូលខ្លួនដាក់សំណើនៅឡើយទេ។

Samuel Umtiti ផ្ទេរពី Lyon មកកាន់ទឹកដី Camp Nou កាលពីឆ្នាំ២០១៦ និងបានបង្ហាញខ្លួនចំនួន១៣២ប្រកួតប៉ុន្តែក្នុងមួយរដូវកាលគេអាចលេងបានជាមធ្យមគឺ២៦ប្រកួតប៉ុណ្ណោះ។

គេមិនទាន់ដឹងទេថា Barcelona ទាមទារតម្លៃផ្ទេររបស់ Umtiti ចំនួនប៉ុន្មានព្រោះកីឡាកររូបនេះនៅសល់កុងត្រាដល់ទៅ២ឆ្នាំជាមួយក្លិប៕

ប្រភព៖ caughtoffside