អង់គ្លេស៖ ក្រុមជម្រើសជាតិអង់គ្លេស បានចាញ់ក្រុមជម្រើសជាតិអ៊ីតាលី នៅវគ្គផ្ដាច់ព្រ័ត្រព្រឹត្តិការណ៍ Euro 2020 ក្នុងវគ្គបាល់ប៉េណាល់ទីកាត់សេចក្ដី ៣ ទល់នឹង ២ ដែលធ្វើឲ្យក្រុមរបស់លោកគ្រូបង្វឹក Gareth Southgate បានត្រឹមជើងឯករង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបរាជ័យនេះបាននាំក្ដីសោកសៅមកដល់អ្នកគាំទ្រជាច្រើននាក់រួមទាំងកីឡាករក្នុងក្រុមផងដែរ ប៉ុន្តែយ៉ាងណាមិញក៏សហព័ន្ធកីឡាបាល់ទាត់អង់គ្លេសនៅតែបានរៀបចំពិធីជប់លៀងអបអរដែលអង់គ្លេសបានឡើងមកដល់វគ្គផ្ដាច់ព្រ័ត្រដែលចាត់ទុកថាជាសមិទ្ធផលដ៏អស្ចារ្យមួយរបស់ក្រុមតោកំណាច។
ដូច្នេះទើបកីឡាករក្រុមជម្រើសជាតិទាំងអស់រួមទាំងភរិយាព្រមទាំងដៃគូរបស់ពួកគេ រួមទាំង ក្រុមគ្រូបង្វឹកត្រូវបានអនុញ្ញាតឲ្យរៀបចំពិធីអបអរសាទរក្នុងបន្ទប់ស្វីតស្ថិតក្នុងកីឡដ្ឋាន Wembley ផ្ទាល់ដើម្បីនាំយកបរិយាកាសសប្បាយរីករាយត្រឡប់មកវិញ។
ក្នុងនោះដែរកីឡាករទាំងអស់ក៏អាក់ខានមិនបានជួបមុខក្រុមគ្រួសារនិងដៃគូស្នេហា ដល់ទៅ១ខែកន្លះទើបពិធីជប់លៀងនេះជាឱកាសមួយដើម្បីឲ្យពួកគេជួបជុំគ្នាវិញ។
ក្នុងពិធីជប់លៀងនេះគេឃើញក្រុមកីឡាករទាំងអស់មានស្នាមញញឹមឡើងវិញនិងសប្បាយនឹងការញ៉ាំអាហារជួបជុំគ្នា ហើយពួកគេថែមទាំងបានច្រៀងបទ "Sweet Caroline" ទៀតផង។
លោកគ្រូបង្វឹក Gareth Southgate និងលោក Wayne Rooney ក៏ត្រូវបានគេរាយការណ៍ថាបានចូលរួមនៅក្នុងពិធីជប់លៀងនេះដែរ៕
ប្រភព៖ thesun