បរទេស៖ លោក Elon Musk បានបង្ហើបថា គាត់មិនពេញចិត្តនឹងការធ្វើជាចៅហ្វាយរបស់ក្រុមហ៊ុន Tesla ទេ។ គាត់បានប្រាប់តុលាការអាមេរិកថា៖ «ខ្ញុំស្អប់វាគួរសម ហើយចង់ចំណាយពេលរបស់ខ្ញុំ លើការរចនានិងវិស្វកម្ម។»

ស្ថាបនិកមហាសេដ្ឋីរបស់ក្រុមហ៊ុន Tesla បាននិយាយនៅឯការចាប់ផ្ដើមនៃការជំនុំជម្រះមួយ ដែលគាត់ត្រូវបានចោទប្រកាន់ថា បានដាក់សម្ពាធលើសមាជិកក្រុមប្រឹក្សាភិបាលរបស់ក្រុមហ៊ុននេះ ទៅក្នុងកិច្ចព្រមព្រៀង២.៦ប៊ីលានដុល្លារ ដើម្បីទិញយកក្រុមហ៊ុនផលិតបន្ទះសូឡា។ អ្នកចូលហ៊ុនជាច្រើនអះអាងថា លុយរបស់ក្រុមហ៊ុនផលិតឡានត្រូវបានខ្ជះខ្ជាយក្នុងការទិញយក ក្រុមហ៊ុន SolarCity ដែលពួកគាត់និយាយថា កំពុងខ្វះខាតលុយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
លោក Elon Musk 

នៅពេលនៃកិច្ចព្រមព្រៀង លោក Musk កាន់កាប់ភាគហ៊ុន២២ភាគរយ ទាំងនៅក្នុងក្រុមហ៊ុន Tesla និងក្រុមហ៊ុនបន្ទះសូឡា ដែលត្រូវបានបង្កើតឡើងដោយបងប្អូនជីដូនមួយរបស់គាត់។ លោកក៏បានបដិសេធការដាក់សម្ពាធ លើសមាជិកក្រុមប្រឹក្សាភិបាលផងដែរ ដោយនិយាយថា កិច្ចព្រមព្រៀងនេះគឺជាផ្នែកមួយនៃផែនការមេ ដើម្បីបង្កើតយានយន្តដែលមានតម្លៃសមរម្យ ជាមួយនឹងការផ្គត់ផ្គង់ថាមពលបៃតង៕

ប្រភព: BBC

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យានជំនិះ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]