បរទេស៖ វាគឺជារឿងងាយស្រួលក្នុងការស្វែងរកអាចម៍ផ្កាយធំៗឬរណ្ដៅរបស់ពួកវា នៅពេលវាចូលមកដល់ផែនដី។ ប៉ុន្តែអាចម៍ផ្កាយតូចៗបានបាត់ដានជារឿយៗ ហើយអ្នកវិទ្យាសាស្ត្រអាចរកឃើញពួកវា តិចជាង២ភាគរយតែប៉ុណ្ណោះ។ សារព័ត៌មាន Universe Today បានរាយការណ៍មកថា ក្រុមអ្នកស្រាវជ្រាវបានអភិវឌ្ឍប្រព័ន្ធមួយ ដែលដ្រូនស្វ័យប្រវត្តិភាពប្រើប្រាស់ម៉ាស៊ីនសិក្សា ដើម្បីស្វែងរកអាចម៍ផ្កាយតូចៗនៅកន្លែងដែលវាធ្លាក់ចំ ហើយបានបាត់ដាន ឬកន្លែងដែលគេពិបាកចូលដល់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបច្ចេកវិទ្យារួមបញ្ចូលគ្នាអាចស្គាល់អាចម៍ផ្កាយ តាមរយៈរូបភាពហ្វឹកហាត់ បានទាំងពីរូបភាពអ៊ីនធើណេត និងការថតបានតាមរយៈក្រុមការងារដែលប្រមូលបាន។ នេះវាបានជួយឲ្យបញ្ញាសិប្បនិម្មិត AI អាចបែងចែកភាពខុសគ្នា រវាងថ្មពីអវកាសនិងថ្មធម្មតា និងថែមទាំងជាមួយរូបរាងផ្សេងៗនិងលក្ខណៈសណ្ឋានរបស់វា។
លទ្ធផលចេញមកមិនល្អឥតខ្ចោះនោះទេ។ លទ្ធផលសម្រាប់ផ្នែកវិទ្យាសាស្ត្រអវកាសគឺពិតជាសំខាន់ បើបច្ចេកវិទ្យាធ្វើការបញ្ជាក់បានត្រឹមត្រូវ។ វាអាចជួយអ្នកវិទ្យាសាស្ត្រឲ្យរកឃើញអាចម៍ផ្កាយ មិនថាតូចធំឬនៅតំបន់ដាច់ស្រយាល។ ជាលទ្ធផល នោះអាចជួយបញ្ជាក់ពីប្រភពអាចម៍ផ្កាយ និងកំណត់សមាសធាតុថ្មទាំងនោះ។ និយាយឲ្យចំ ដ្រូនក៏អាចជួយបំពេញចំណេះដឹងដល់មនុស្សជាតិ អំពីបំណែកអវកាសដែលបានធ្លាក់ចុះមកផងដែរ៕
ប្រភព: Engadget