អេស្ប៉ាញ៖ ខ្សែបម្រើ Ilaix Moriba មិនត្រូវបានរាប់បញ្ចូលក្នុងបញ្ជីកីឡាករឈុតធំរបស់ Barcelona នៅរដូវកាលនេះឡើយ ដែលហេតុការណ៍គេសន្និដ្ឋានថាមកពី Moriba មិនបានបន្តកុងត្រាថ្មីជាមួយក្លិប។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកាលពីរដូវកាលមុន លោកគ្រូបង្វឹក Ronald Koeman បានកោះហៅ កីឡាករសញ្ជាតិអេស្ប៉ាញរូបនេះឲ្យឡើងពីឈុតយុវជន មកលេងនៅឈុតធំរបស់ Barcelona ប៉ុន្តែ Moriba បានរំពឹងទុកថាក្លិបនឹងឲ្យប្រាក់ឈ្នួលរបស់គេរាងខ្ពស់ ប៉ុន្តែ ក្លិបបែរជាផ្ដល់ទឹកប្រាក់ក្នុងចំនួនដ៏តិចមិនដូចការរំពឹងទុកដែលធ្វើឲ្យគេមានអារម្មណ៍ល្អក់កករនិងមិនសប្បាយចិត្ត។
គេសន្មតថាចំនួនទឹកប្រាក់ដែល Barcelona ផ្ដល់ឲ្យគឺដូចកីឡាករនៅថ្នាលយុវជនដែលមិនមានបទពិសោធន៍នៅឈុតធំហើយវាធ្វើឲ្យ Ilaix Moriba គិតថាក្លិបពិតជាចង់លក់គេចេញហើយ។
កីឡាករវ័យ១៨ឆ្នាំរូបនេះបានបដិសេធមិនបន្តកុងត្រាកាលពី១៥ថ្ងៃមុន ប៉ុន្តែមកទល់ពេលនេះ Barcelona មិនព្រមស្នើកុងត្រាថ្មីដល់គេទេដោយថែមទាំងទម្លាក់គេឲ្យទៅលេងនៅឈុត B វិញទៀតផងដោយក្លិបជូនដំណឹងថាទាល់តែបន្តកុងត្រាទើបអាចទៅលេងនៅឈុតធំបាន។
បើសិន Barcelona មានគម្រោងចង់លក់យុវជនឆ្នើមរូបនេះមែន នោះតម្លៃខ្លួនគេខ្ទង់ ពី ១៥ទៅ ២០លានអឺរ៉ូ(ស្មើនឹងប្រមាណ១៨ ទៅ ២៤លានដុល្លារ) ស្របពេលកុងត្រារបស់គេនឹងផុតកំណត់នៅរដូវកាលក្រោយ៕
ប្រភព៖ marca