អង់គ្លេស៖ ជឿជាក់ថាអ្នកគាំទ្របាល់ទាត់ទាំងអស់ប្រាកដជាជ្រាបហើយថា ក្រុមជម្រើសជាតិអ៊ីតាលី បានបំបាក់អង់គ្លេស នៅវគ្គផ្ដាច់ព្រ័ត្រ Euro 2020 ក្រោមវិញ្ញាសាបាល់ប៉េណាល់ទីកាត់សេចក្ដី ៣ ទល់នឹង ២ ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
នៅម៉ោងប្រកួតផ្លូវការ ក្រុមទាំងពីរកបានម្នាក់១គ្រាប់រក្សាលទ្ធផល១ទល់នឹង ១ ទើបឈានដល់ការស៊ុតប៉េណាល់ទីកាត់សេចក្ដីតែម្ដងទើប អ៊ីតាលី ក្លាយជាម្ចាស់ពាន Euro 2020 ជាផ្លូវការ។
លោកគ្រូបង្វឹក Gareth Southgate បានប្រគល់តួនាទីស៊ុតបាល់នេះទៅកីឡាករ៥រូបគឺ Harry Kane, Harry Maguire, Jadon Sancho, Bukayo Saka និង Marcus Rashford ប៉ុន្តែអ្នកដែលស៊ុតចូលមានតែ Kane និង Maguire ប៉ុណ្ណោះ។
បរាជ័យដ៏គួរឲ្យរន្ធត់របស់អង់គ្លេសបានធ្វើឲ្យក្រុមនៅតែមិនអាចបញ្ចប់ការខកខានលើកពាន៥៥ឆ្នាំកន្លងមក ប៉ុន្តែ ក្រោយចប់ការប្រកួត Southgate បានបង្ហើបឲ្យដឹងថាការពិត ខ្សែបម្រើ Mason Mount និង Kieran Trippier គួរតែត្រូវទទួលបន្ទុកស៊ុតបាល់ប៉េណាល់ទីបើសិនជាពួកគេនៅលើទីលាន។
Trippier ត្រូវបានប្ដូរចេញក្នុងតង់ទី២ខណៈដែល Mason Mount ត្រូវគ្រូប្ដូរចេញដោយដាក់ Jack Grealish នៅនាទីទី៩៩ ដែលធ្វើឲ្យពួកគេមិនអាចទទួលភារៈនេះបាន។
លោកគ្រូបង្វឹក Gareth Southgate បានថ្លែងក្រោយចប់ការប្រកួតថា៖
អ្វីដែលពួកគេត្រូវដឹងថាពួកគេមិនគួរបន្ទោសខ្លួនឯងទេ ពួកយើងឈ្នះនិងចាញ់ជាក្រុម។ អ្នកដែលទទួលបន្ទុកស៊ុតបាល់ប៉េណាល់ទីគឺត្រូវជ្រើសរើសដោយខ្ញុំ នោះជាការសម្រេចចិត្តរបស់ខ្ញុំ មិនមែនស្ថិតលើកីឡាករទេ។ វាអាចមិនបានចេញលទ្ធផលមកល្អតែពួកគេជាកីឡាករលេងលើទីលានដែលខ្ញុំគិតថាពូកែខាងស៊ុត។ ពួកយើងបានព្យាយាមចម្រាញ់ហើយព្រោះពួកយើងបានប្ដូរកីឡាករចេញខ្លះនៅក្នុងការប្រកួត។ ពិតណាស់ វាជារឿងឈឺចាប់មួយដល់ពួកគេតែពួកគេមិនសមគួរនឹងទទួលពាក្យស្ដីបន្ទោសទេ៕
ប្រភព៖ metro
Bong I.T