ដុតណាស់! កីឡាករអ៊ីតាលី២រូបនេះឌឺដងអង់គ្លេសយ៉ាងចាស់ដៃក្រោយលើកពាន Euro បានសម្រេច

អង់គ្លេស៖ ជារឿងគួរឲ្យសោកស្តាយមួយសម្រាប់អ្នកគាំទ្រអង់គ្លេសទាំងអស់ បន្ទាប់ពីក្រុមរបស់លោកគ្រូបង្វឹក Gareth Southgate ចាញ់ ក្រុមជម្រើសជាតិអ៊ីតាលី នៅវគ្គផ្ដាច់ព្រ័ត្រ Euro 2020 ដោយចាញ់បាល់ប៉េណាល់ទី ២ ទល់នឹង ៣ ក្រោយក្រុមទាំងពីរលេងបានត្រឹមស្មើ១ទល់នឹង១។

ខ្សែការពារ Luke Shaw រកបាន១គ្រាប់នៅនាទីទី២ប៉ុន្តែ Leonardo Bonucci តាមស្មើវិញនៅនាទីទី៦៧ដែលធ្វើឲ្យការប្រកួតឈានទៅដល់វគ្គកាត់សេចក្ដីដោយបាល់ប៉េណាល់ទី។

Jadon Sancho,Marcus Rashford និង Bukayo Saka សុទ្ធតែបរាជ័យក្នុងការស៊ុតបាល់ប៉េណាល់ទី ដែលធ្វើឲ្យអង់គ្លេសនៅតែមិនមានសមត្ថភាពលើកពានក្រោយរង់ចាំអស់រយៈពេល៥៥ឆ្នាំ។
ដូច្នេះទើបក្រុមជម្រើសជាតិអ៊ីតាលី ក្លាយជាម្ចាស់ពាន Euro 2020 បានសម្រេច ដោយនេះជាលើកទី២ហើយដែលអ៊ីតាលីឈ្នះពាននេះដោយលើកដំបូងគឺនៅឆ្នាំ ១៩៦៨។

យ៉ាងណាមិញក្រោយអាជ្ញាកណ្ដាលផ្លុំកញ្ចែបញ្ចប់ការប្រកួតភ្លាម ខ្សែការពារ Leonardo Bonucci និង Jorginho បានឌឺដងក្រុមជម្រើសជាតិអង់គ្លេស ដោយ Bonucci បានស្រែកច្រៀងពាក្យថា៖

វាជាប្រយោគកំឡាយមកពីពាក្យ "វាមកផ្ទះហើយ" នៃបទចម្រៀងរបស់ Three Lions បន្ទាប់មកពេលក្រុមចូលទៅក្នុងបន្ទប់ផ្លាស់សំលៀកបំពាក់ ខ្សែបម្រើ Jorginho ក៏បានចូលរួមស្រែកពាក្យនោះដែរ៕

ប្រភព៖ metro