បរទេស៖ ការសិក្សាថ្មីមួយរកឃើញថា ការកញ្ជ្រោលកាំរស្មីអ៊ិចអាថ៌កំបាំងពីពន្លឺភ្លើង auroras របស់ភពព្រហស្បតិ៍ បានបង្ហាញថាពន្លឺភ្លើងប៉ូលខាងជើងរបស់ភពយក្សនេះអាចមានភាពស្រដៀងគ្នានឹកស្មានមិនដល់ ជាមួយភពផែនដី។ ពន្លឺ Auroras ដែលគេស្គាល់ថាជាពន្លឺភ្លើងនៅប៉ូលខាងត្បូងឬខាងជើងនៅលើផែនដី ត្រូវបានគេឃើញថា មាននៅលើប៉ូលនៃភពមួយចំនួន នៅក្នុងប្រព័ន្ធព្រះអាទិត្យ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សពន្លឺរេរាំនេះកើតឡើង នៅពេលភាគល្អិតដ៏ខ្លាំងក្លាពីព្រះអាទិត្យឬអង្គអវកាសផ្សេងៗធ្លាក់ចូលទៅក្នុងមណ្ឌលម៉ាញេទិចរបស់ភពមួយ ដែលកន្លែងនេះគ្រប់គ្រងដោយដែនម៉ាញេទិច ហើយធ្លាក់ចុះតាមខ្សែដែនម៉ាញេទិច បុកទង្គិចជាមួយម៉ូលេគុលនៅក្នុងបរិយាកាសរបស់វា។ ដែនម៉ាញេទិចរបស់ភពព្រហស្បតិ៍គឺខ្លាំងណាស់ វាមានកម្លាំងជាងផែនដី២០,០០០ដង ហើយដូច្នេះមណ្ឌលម៉ាញេទិចរបស់វាគឺធំណាស់។ បែបនេះហើយ ពន្លឺ auroras របស់ភពព្រហស្បតិ៍មានឥទ្ធិពលខ្លាំងជាងភពផែនដី ដោយបញ្ចេញកម្លាំងរាប់រយជីហ្គាវ៉ាត់ ដែលអាចផ្ដល់ថាមពលគ្រប់គ្រាន់ដល់អរិយធម៌មនុស្សទាំងអស់ ក្នុងរយៈពេលខ្លីដែរ។
ក្រុមអ្នកវិទ្យាសាស្ត្ររកឃើញថា កាំរស្មីអ៊ិចកញ្ជ្រោលឡើងប្រហែលជាកើតឡើងដោយសារការរំញ័រជាប្រចាំ នៃខ្សែដែនម៉ាញេទិចរបស់ភពព្រហស្បតិ៍។ ការរំញ័រទាំងនេះបង្កើតជាទំហំរលកនៃប្លាស្មា។ រលកប្លាស្មាស្រដៀងគ្នានេះក៏ជួយបង្កើតពន្លឺ auroras នៅលើផែនដីដែរ។ វានៅមិនទាន់ច្បាស់ថា ហេតុអ្វីបានជាខ្សែដែនម៉ាញេទិចរបស់ភពព្រហស្បតិ៍ ញ័រជាប្រចាំ។ ក្រុមអ្នកស្រាវជាវបាននិយាយថា ភាពអាចកើតមានរួមបញ្ចូលទាំងអន្តរកម្មផ្សេងៗជាមួយខ្យល់ព្រះអាទិត្យ ឬជាមួយលំហូរបា្លស្មាល្បឿនលឿន នៅក្នុងមណ្ឌលម៉ាញេទិចរបស់ភពព្រហស្បតិ៍៕
ប្រភព: Space