បរទេស៖ រថយន្តមួយដែលត្រូវបានគេរចនាឡើង ដើម្បីសម្អាតការបំពុលនៃខ្យល់ នៅពេលដែលវាបើកបរនៅតាមដងផ្លូវ ត្រូវបានតាំងបង្ហាញនៅកម្មវិធី Goodwood Festival of Speed។ បង្កើតឡើងដោយអ្នករចនាជនជាតិអង់គ្លេស លោក Thomas Heatherwick រថយន្ត Airo នឹងត្រូវបានផលិតនៅក្នុងប្រទេសចិន នៅឆ្នាំ២០២៣ ដោយគ្រោងនឹងបង្កើតចំនួនមួយលានគ្រឿង។

ការរចនាជាមូលដ្ឋានមានគោលបំណងដើម្បីសោះស្រាយបញ្ហា មិនត្រឹមតែការបំពុលបរិស្ថានប៉ុណ្ណោះទេ ប៉ុន្តែថែមទាំងជួយដោះស្រាយបញ្ហាវិបត្តិអវកាសផងដែរ។ រថយន្តដែលត្រូវបានដាក់បង្ហាញជាលើកដំបូងនៅក្នុងពិព័រណ៍រថយន្ត នៅទីក្រុងសៀងហៃ កាលពីខែមេសា មានដំបូលកញ្ចក់ធំ ហើយផ្នែកខាងក្រោយត្រូវបានរចនាឡើង ដើម្បីមើលទៅដូចជាបន្ទប់ដែលមានកៅអីអង្គុយ ដែលអាចបត់បែនបាន ប្រែក្លាយទៅជាគ្រែ ហើយមានតុនៅចំកណ្ដាល ប្រើសម្រាប់ការជួបជុំឬញ៉ាំអាហារ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គម្រោងបន្ទាប់នឹងធ្វើឲ្យរថយន្តនេះ មានទាំងមុខងារបើកបរស្វ័យប្រវត្តិនិងគ្រប់គ្រងដោយអ្នកបើកបរ។ លោក Heatherwick ត្រូវបានបំផុសគំនិតនេះឡើងដោយកៅអីយន្តហោះ ដែលត្រូវបានប្រើ សម្រាប់គេង បរិភោគ កម្សាន្ត និងធ្វើការ។ រថយន្តនេះនឹងត្រូវដាក់លក់ក្នុងតម្លៃប្រហែលជាង៥.៥ម៉ឹនដុល្លារ៕

រូបភាព
រូបភាព
រូបភាព

ប្រភព: BBC

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យានជំនិះ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]