មិនទាន់ធូរស្រាលទេ! ខេត្តសៀមរាប រកឃើញ​ឆ្លងជំងឺកូវីដ-១៩ ថ្មីចំនួន៩១នាក់បន្ថែមទៀត

សៀមរាប៖ រដ្ឋបាលខេត្តសៀមរាប ​បានប្រកាសជូនដំណឹងថា ក្នុងព្រឹត្តិការណ៍ ការឆ្លងរាលដាលជំងឺកូវីដ-១៩ ចូលក្នុងសហគមន៍២០កុម្ភៈ នេះ រដ្ឋបាលខេត្ត បានរកឃើញអ្នកវិជ្ជមានជំងឺកូវីដ-១៩ ថ្មី ចំនួន ៩១នាក់ ជាសះស្បើយអ្នកវិជ្ជមានជំងឺកូវីដ-១៩ ចំនួន ៣១នាក់ និងស្លាប់ចំនួន ១នាក់ នៅថ្ងៃទី០៩ ខែកក្កដា ឆ្នាំ២០២១

មកទល់ពេលនេះ ខេត្តសៀមរាប មានអ្នកវិជ្ជមានជំងឺកូវីដ-១៩ ចំនួន ២,១៣៨នាក់ បានព្យាបាលជាសះស្បើយចំនួន ៧៣៨នាក់ ស្លាប់ ២២នាក់ និង ១,៣៧៨នាក់ កំពុងសម្រាកព្យាបាលនៅមន្ទីរពេទ្យបង្អែកខេត្តសៀមរាប មណ្ឌលចត្តាឡីស័កគរុកោសល្យ និងវិក្រឹតការខេត្ត វិទ្យាល័យអង្គរ និងវិទ្យាល័យដំដែក។

ដើម្បីជ្រាបឱ្យកាន់តែច្បាស់ សូមអានសេចក្តីប្រកាសលម្អិតខាងក្រោម៖