អ៊ីតាលី៖ លោកគ្រូបង្វឹក Jose Mourinho ដែលមកទទួលភារកិច្ចជាគ្រូបង្វឹករបស់ក្រុម Roma ជាផ្លូវការត្រូវបានគេរាយការណ៍ថាបានហាមឃាត់កីឡាករ៨រូបមិនឲ្យចូលមកហ្វឹកហាត់ជាមួយក្រុមក្នុងថ្ងៃដំបូងនៃការហ្វឹកហាត់មុនរដូវកាលថ្មីចូលមកដល់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអតីតគ្រូបង្វឹករបស់ Tottenham Hotspur រូបនេះបានចាកចេញពីទឹកដីអង់គ្លេស និងធ្វើដំណើរមកអ៊ីតាលី កាលពីប៉ុន្មានថ្ងៃមុនប៉ុន្តែគ្រាន់តែបង្ហាញខ្លួនក្នុងថ្ងៃដំបូងភ្លាម លោកគ្រូបានជូនដំណឹងទៅកាន់កីឡាករ៨រូបថាពួកគេមិនស្ថិតនៅក្នុងគម្រោងរបស់លោកគ្រូឡើយដែលមានន័យថាពួកគេនឹងត្រូវបង្ខំចិត្តចាកចេញ។
កីឡាករទាំង៨រូបនោះគឺមាន Justin Kluivert, Pedro,Steven Nzonzi,Davide Santon,Ante Coric,Federico Fazio និង Robin Oslen ដែលត្រូវបានក្លិបដោះលែងឲ្យចាកចេញព្រោះលោកគ្រូ Mourinho មិនត្រូវការពួកគេទេ។
ខណៈនេះដែរ លេចឮព័ត៌មានជាច្រើនបានចុះផ្សាយថាលោកគ្រូចង់បាន ខ្សែបម្រើ Granit Xhaka នៃក្លិប Arsenal និង Rui Patricio នៅក្លិប Wolves៕
ប្រភព៖ metro