អង់គ្លេស៖ លោក Jamie Carragher ដែលជាអតីតកីឡាកររបស់ក្លិបហង្សក្រហម Liverpool គិតថា អង់គ្លេស នឹងយកឈ្នះ អ៊ីតាលី លើបាល់ប៉េណាល់ទៅកាត់សេចក្ដីនៅក្នុងការប្រកួតវគ្គផ្ដាច់ព្រ័ត្រ Euro 2020 នេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ក្រុមរបស់លោកគ្រូបង្វឹក Gareth Southgate បានកក់កៅអីឡើងទៅវគ្គផ្ដាច់ព្រ័ត្រក្រោយយកឈ្នះ ដាណឺម៉ាក ២ ទល់នឹង ១ ក្នុងកីឡដ្ឋាន Wembley ដែលនេះជាលើកដំបូងក្នុងរយៈពេល៥៥ឆ្នាំចុងក្រោយដែល អង់គ្លេស ឡើងមកដល់វគ្គនេះ។
ទន្ទឹមនឹងការសាទរពីសំណាក់អ្នកគាំទ្រ លោក Jamie Carragher បានធ្វើការទស្សន៍ទាយថា៖
ខ្ញុំគិតថាវាជាការប្រកួតដ៏ស្វិតស្វាញមួយ។ ខ្ញុំគិតថាវានឹងឈានដល់វគ្គបាល់ប៉េណាល់ទីកាត់សេចក្ដី ហើយអង់គ្លេសនឹងយកឈ្នះការប្រកួតនេះ។ ពួកយើងបានហ្វឹកហាត់ខ្លាំងណាស់លើបាល់ប៉េណាល់ទីនេះ ដូច្នេះកុំឲ្យវាក្លាយជាឥតប្រយោជន៍! ខ្ញុំមិនគិតថាក្រុមទាំងសងខាងរកបានច្រើនគ្រាប់ឡើយ។ អ៊ីតាលី លេងការពារបានខ្លាំងពូកែណាស់ ដូចគ្នានឹងអង់គ្លេស ខ្ញុំគិតថាលទ្ធផលគឺ ១ ទល់នឹង ១ បន្ទាប់មកនឹងចូលដល់វគ្គប៉េណាល់ទី។ ខ្ញុំគិតថាពួកគេជាក្រុមដែលគួរឲ្យចាប់អារម្មណ៍ណាស់ យើងនឹងចាំមើលអ្នកឈ្នះនៅថ្ងៃអាទិត្យ។
គួរបញ្ជាក់ថា ការប្រកួតរវាង អង់គ្លេស និងអ៊ីតាលី នឹងធ្វើឡើងនៅយប់ថ្ងៃច័ន្ទ ទី១២ ខែកក្កដា វេលាម៉ោង២ទាបភ្លឺ៕
ប្រភព៖ metro
Bong I.T