អឺរ៉ុប៖ ជឿជាក់ថាអ្នកគាំទ្របាល់ទាត់ទាំងអស់គ្នាបានដឹងហើយថា ក្រុមតោកំណាចអង់គ្លេស បានយកឈ្នះ ដាណឺម៉ាក នៅវគ្គពាក់កណ្ដាលផ្ដាច់ព្រ័ត្រក្រោមលទ្ធផល ២ទល់នឹង១ រកបានដោយ Simon Kjaer ស៊ុតចូលទីខ្លួនឯង១គ្រាប់និង Harry Kane រកបាននៅម៉ោងបន្ថែម១គ្រាប់ទៀត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សទន្ទឹមនឹងការសាទរជ័យជម្នះឡើងមកដល់វគ្គផ្ដាច់ព្រ័ត្ររបស់អង់គ្លេស ក្រោយខកខានអស់រយៈពេល៥៥ឆ្នាំ មានអ្នកគាំទ្ររបស់ក្រុមជម្រើសជាតិដាណឺម៉ាកជាច្រើននាក់បានដាក់ញ្ញាត្តិតវ៉ាឲ្យមានការប្រកួតរវាង ក្រុមទាំងពីរនេះឡើងវិញ។
ពួកគេបានតវ៉ាថា ខ្សែប្រយុទ្ធ Raheem Sterling ធ្វើពុតជាដួលដោយខ្លួនឯង ក្រោយប៉ះទង្គិចជាមួយកីឡាករដាណឺម៉ាកពីររូបគឺ Joakim Maehle និង Mathias Jensen ដោយអះអាងថាពួកគេបានប៉ះពាល់ Sterling យ៉ាងតិចតួចបំផុតគឺមិនសមអាជ្ញាកណ្ដាលផ្ដល់បាល់ប៉េណាល់ទីនោះឡើយ។
លោក Cris Pinto ជាអ្នកចាប់ផ្ដើមយុទ្ធនាកាតវ៉ាឲ្យមានការប្រកួតឡើងវិញដោយអះអាងថាបាល់ប៉េណាល់ទីនោះមិនគួរផ្ដល់ឲ្យខាងអង់គ្លេសតាំងពីដំបូង។
យ៉ាងណាមិញ វាមានភាគរយតិចណាស់ដែលខាង UEFA ព្រមធ្វើតាមសំណើរបស់ពួកគេប៉ុន្តែអ្នកគាំទ្របានដាក់ញ្ញាត្តិតវ៉ាបានតិចជាង៥០០នាក់។
គួរបញ្ជាក់ផងដែរថា កន្លងមកក៏មានអ្នកគាំទ្រស្នើសុំឲ្យមានការប្រកួតរវាង បារាំង និង ស្វីស ឡើងវិញដែរដោយអ្នកគាំទ្របានអះអាងថាជើងរបស់ អ្នកចាំទី Yann Sommer មិនបាននៅលើខ្សែបន្ទាត់ទីនោះឡើយពេលបាល់ចេញពីជើងរបស់ Kylian Mbappe៕
ប្រភព៖ dailymail