បំបែកកំណត់ត្រាថ្មី​! ២៤ម៉ោង ​ប្រទេសក្បែរកម្ពុជាមួយនេះ រកឃើញអ្នកឆ្លងកូវីដជិត ១ម៉ឺននាក់ និងមានអ្នកស្លាប់ច្រើនបំផុត

បាងកក៖  ក្រសួងសុខាភិបាលថៃ បានរាយការណ៍នៅព្រឹកថ្ងៃសុក្រនេះថា ក្នុងរយៈពេល ២៤ម៉ោងចុងក្រោយនេះ ថៃមានអ្នកស្លាប់ថ្មី ដោយសារជំងឺកូវីដ១៩ រហូតដល់ ៧២នាក់ ​រួមទាំងករណីឆ្លងថ្មី ៩,២៧៦នាក់។ នេះបើយោងតាមប្រភពព័ត៌មាន Bangkok Post។

ក្នុងចំណោម អ្នកឆ្លងថ្មីទាំង​ ៩,២៧៦នាក់ គឺមាន ២៨៧នាក់ ជាអ្នកទោសពន្ធនាគារ។​ គួរឱ្យដឹងដែរថា ចាប់តាំងពីជំងឺរាតត្បាតបានចាប់ផ្តើមនៅដើមឆ្នាំមុនមក ប្រទេសក្នុងតំបន់អាស៊ានមួយនេះ មានអ្នកស្លាប់សរុប ២,៥៣៤ នាក់និងឆ្លង ៣១៧,៥០៦​នាក់៕