អង់គ្លេស៖ យោងតាមសេចក្ដីរាយការណ៍ ក្លិបកាំភ្លើងធំ Arsenal កំពុងចូលសំណើចរចាយកខ្សែបម្រើ Miralem Pjanic របស់ក្លិបអ្នកមានបុណ្យ Barcelona ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សPjanic បានផ្ទេរពី Juventus មកកាន់ទឹកដី Camp Nou កាលពីឆ្នាំ២០២០ ដោយក្លិប Barcelona ព្រមព្រៀងប្ដូរ Arthur Melo យករូបគេ ប៉ុន្តែកីឡាករវ័យ៣១ឆ្នាំរូបនេះមិនសូវបានចូលលេងក្រោមការដឹកនាំរបស់លោកគ្រូបង្វឹក Ronald Koeman ប៉ុន្មានទេ។
ហើយឥលូវនេះស្ថានភាពហិរញ្ញវត្ថុរបស់ក្លិបពិតជាដុនដាបនិងត្រូវការកាត់បន្ថយកីឡាករដើម្បីបន្ថយប្រាក់ឈ្នួលព្រោះយោងតាមលោកប្រធាន La Liga គឺ Barcelona បានចាយប្រាក់ទៅលើកីឡាករដល់កម្រិតអតិបរមាហើយ។
កាសែត Sport បានបង្ហើបឲ្យដឹងថា Pjanic អាចនឹងចាកចេញទៅលេងខ្ចីជើងព្រោះគេចង់មាននាទីលេងច្រើនខណៈដែលក្លិបតោខៀវ Chelsea និង Tottenham ចង់ទិញយក Pjanic ផ្ដាច់តែម្ដង។ តែ Arsenal បែរជាកាត់មុខកាត់មាត់ក្លិបទាំងពីរដោយបើកការចរចាដើម្បីបញ្ចុះបញ្ចូលគេឲ្យមកផ្ទេរមកទឹកដី Emirates ដោយលោកគ្រូបង្វឹក Mikel Arteta កំពុងស្វះស្វែងរកខ្សែបម្រើឲ្យបានមុនរដូវកាលថ្មីចូលមកដល់។
Arteta ចង់ខ្ចីជើង Martin Odegaard ពី Real Madrid ថែម១រដូវកាលទៀតប៉ុន្តែកីឡាករសញ្ជាតិន័រវេសរូបនេះបានបញ្ជាក់ហើយថាគេនឹងត្រឡប់ទៅ Real Madrid វិញដូច្នេះទើប Pjanic ជាជម្រើសដ៏ស័ក្តិសម។
Miralem Pjanic ចង់វិលត្រឡប់ទៅលេងនៅ Juventus វិញ ក្នុងលក្ខខណ្ឌខ្ចីជើងប៉ុន្តែ Juventus ត្រូវសិក្សាពីស្ថានភាពរបស់ក្រុមសិន៕
ប្រភព៖ metro