ភ្នំពេញ ៖ យុវជនម្នាក់បានរងរបួសយ៉ាងធ្ងន់ធ្ងរបន្ទាប់ពីរូបគេជិះម៉ូតូតាមញ៉ែនារីម្នាក់ដែលមានប្ដីទៅហើយ តែចៃដន្យពេលយុវជនក្បាលខិលជិះទៅដល់ក្នុងបរិវេណវត្តកំសាន្តនៅសង្កាត់ព្រែកប្រា ខណ្ឌ មានជ័យ រាជធានីភ្នំពេញ ស្របពេលប្ដីគេដឹងនោះ ក៏នាំបក្ខពួកសំពងម៉ាចាស់ដៃក្បែរស្លាប់ កុំតែបានចាស់ៗក្នុងវត្តជួយទាន់កុំអីគ្រោះថ្នាក់ដល់ស្លាប់បាត់ទៅហើយ។
ហេតុការណ៍នេះបានកើតឡើង នៅវេលាម៉ោង ១១ និង ២០នាទី ព្រឹកថ្ងៃទី១១ ខែ មករា ឆ្នាំ ២០១២នេះ។
សាក្សីនៅកន្លែងកើតហេតុបានឲ្យកម្ពុជាថ្មីដឹងថា នៅមុនពេលមានហេតុការណ៍នេះកើតឡើងគេបានឃើញយុវជន២នាក់ជិះម៉ូតូម៉ាកគ្រីសអង្គរពណ៌ក្រហមលាយខ្មៅ គ្មានស្លាកលេខ បានធ្វើដំណើរតាមពីក្រោយនារីម្នាក់ដែលកំពុងជិះម៉ូតូឌុបពីច្បារអំពៅចូលទៅក្នុងបរិវេណវត្តកំសាន្ត។ លុះជិះទៅដល់ក្បែរវត្តនារីរូបនោះ បានស្រែកឲ្យប្ដីដែលកំពុងដើរក្នុងវត្តឲ្យជួយថា មានមនុស្សតាមញ៉ែ។ ភ្លាមៗ នោះបុរសជាប្ដីអត់សួរនាំច្រើនទេ ក៏ស្ទុះទៅទាញកអាវជនដែលជិះពីក្រោយ និង កំពុងឌឺដងសំដីផងនោះ បណ្ដាលឲ្យធ្លាក់ពីលើម៉ូតូ ហើយវាយទាត់ធាត់ ក្បែរសន្លប់ កុំតែបានចាស់ៗ និងព្រះសង្ឃជួយទាន់ កុំអីរងគ្រោះយ៉ាងធ្ងន់ធ្ងរជាមិនខាន។
យុវជនខិតខូចរូបនោះពុំមានអ្នកណាស្គាល់ឈ្មោះ និង អាសយដ្ឋានឡើយព្រោះចាស់ៗ អន្តរាគមន៍នោះគេក៏រត់ឡើងម៉ូតូបក្ខពួកខ្លួនទាំងព្រលឹងចុងសក់ និង សុំរាងចាលមួយជីវិត៕
ដកស្រង់ពីគេហទំព័រ កម្ពុជាថ្មី
សូមបងប្អូនជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។សូមអរគុណ ខ្មែរស្រលាញ់ខ្មែរ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]