អុញនោះ! កីឡាករ Barca រូបនេះត្រូវក្រុមហ៊ុនវីដេអូហ្គេមនៅជប៉ុនប្រកាសផ្ដាច់កុងត្រាស្រស់ៗ

ជប៉ុន៖ ក្រុមផ្នែកបច្ចេកវិទ្យានៅជប៉ុនដ៏ល្បីល្បាញឈ្មោះ Konami បានប្រកាសផ្ដាច់កុងត្រាជាមួយខ្សែប្រយុទ្ធ Antoine Griezmann ជាផ្លូវការបន្ទាប់ពីវីដេអូមួយបានបែកធ្លាយបង្ហាញឲ្យដឹងថា កីឡាករសញ្ជាតិបារាំងរូបនេះបានគាំទ្រឲ្យមានការចំអកទៅកាន់បុគ្គលិកសណ្ឋាគារដែលជាជនជាតិអាស៊ី។

ក្នុងវីដេអូនោះ Griezmann និងមិត្តរួមក្រុម Ousmane Dembele បាននៅបន្ទប់ជាមួយគ្នាដែលគេសន្មតថាវាកើតឡើងនៅឆ្នាំ២០១៩ ដោយពួកគេបានហៅបុគ្គលិកផ្នែកជួសជុលសម្ភារៈបច្ចេកវិទ្យាប្រចាំសណ្ឋគារចំនួនបីនាក់មកឆែកមើលដែលបុគ្គលិកទាំងនោះសុទ្ធតែជាជនជាតិអាស៊ីទាំងអស់។

Dembele និង Griezmann បានមើលទៅពួកគេនឹងងាកមកសើចដាក់គ្នាដោយ Dembele បានស្រែកថា៖

បន្ទាប់មក Dembele បានឮបុគ្គលិកនិយាយគ្នាជាភាសារបស់ប្រទេសក្នុងតំបន់អាស៊ីហើយគេបានចំអកថា៖

Griezmann បានសើចតាម Dembele ដែលបង្កើតឲ្យមានជារូបភាពមិនសូវគាប់ភ្នែកសម្រាប់ជនជាតិអាស៊ីទើបអ្នកគាំទ្រចោទប្រកាន់ថាគេគាំទ្រឲ្យមានការរើសអើងពូជសាសន៍។

ទាក់ទងនឹងរឿងនេះដែរ ក្រុមហ៊ុន Konami ដែលជាអ្នកបង្កើតតុក្កតាវីដេអូហ្គេមឈ្មោះ Yu-Gi-Oh បានប្រកាសជាផ្លូវការថា Griezmann មិនមែនជាទូតសុឆន្ទៈរបស់ពួកគេទៀតទេនិងគ្រោងសុំការស្រាយបំភ្លឺពីក្លិប Barcelona ទាក់ទងនឹងបញ្ហានេះទៀតផង។

ដោយឡែកក្រុមហ៊ុន Rakuten របស់ជប៉ុនដែលជាក្រុមហ៊ុនឧបត្ថម្ភក្លិប Barcelona ផ្ទាល់ក៏បានសម្ដែងការខកចិត្តចំពោះកាយវិការកីឡាករ Barcelona ទាំងពីររូបនេះផងដែរនិងទាមទារឲ្យក្លិបស្រាយបំភ្លឺព្រោះពាក្យសម្ដីអស់ទាំងនោះបង្ហាញឲ្យដឹងថាពួកគេរើសអើងជនជាតិអាស៊ី៕

ប្រភព៖ dailymail