អង់គ្លេស៖ កាលពីយប់ថ្ងៃទី៨ខែកក្កដាកន្លងទៅនេះ ក្រុមតោកំណាចអង់គ្លេស បានយកឈ្នះ ក្រុមជម្រើសជាតិដាណឺម៉ាក ២ ទល់នឹង ១ក្នុងការប្រកួតវគ្គពាក់កណ្ដាលផ្ដាច់ព្រ័ត្រពានរង្វាន់ Euro 2020 ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប្រធានក្រុមដាណឺម៉ាក Simon Kjaer បានស៊ុតចូលទីខ្លួននៅនាទីទី៣៩ ជួយឲ្យអង់គ្លេសបានលេងស្មើ ១ ទល់នឹង ១ ជាមួយដាណឺម៉ាកដែលរកគ្រាប់បាល់ដោយ Mikkel Damsgaard នៅនាទីទី៣០ មុននឹង Harry Kane រកបាន១គ្រាប់ជ័យជំនះនៅម៉ោងថែមនាទីទី១០៤។
អ្នកគាំទ្រអង់គ្លេសនិងអ្នកវិភាគបាល់ទាត់ទាំងអស់បាននាំគ្នាសាទរក្រុមជម្រើសជាតិអង់គ្លេសដែលអាចឡើងមកកាន់វគ្គផ្ដាច់ព្រ័ត្របន្ទាប់ពីខកខានលើកពានដល់ទៅ៥៥ឆ្នាំ ប៉ុន្តែអ្វីដែលគេកត់សម្គាល់ក្នុងការប្រកួតនេះគឺកាយវិការមិនសមទំនងរបស់អ្នកគាំទ្រអង់គ្លេសក្នុងកីឡដ្ឋាន។
ហេតុការណ៍នោះគឺ អ្នកចាំទី Kasper Schmeichel ត្រូវអ្នកគាំទ្រអង់គ្លេសក្នុងកីឡដ្ឋានបាញ់ Laser បញ្ចាំងចំផ្ទៃមុខនិងភ្នែករបស់គេ ខណៈដែល លោកអាជ្ញាកណ្ដាលផ្ដល់បាល់ប៉េណាល់ទីទៅខាងអង់គ្លេសដែល Harry Kane ជាអ្នកទទួលបន្ទុកស៊ុត។
គេមើលឃើញថា Laser នោះមានពណ៌បៃតង ដែលវាជាឧបករណ៍គ្រោះថ្នាក់មួយព្រោះបើសិនបញ្ចាំងចំភ្នែកយូរទៅ គឺអាចបណ្ដាលឲ្យខ្វាក់ទៀតផងដោយគេសង្ស័យថាអ្នកគាំទ្រធ្វើបែបនេះដើម្បីរំខាន Schmeichel ឲ្យបែកសមាធិសង្គ្រោះបាល់របស់ Kane មិនបាន។
ប៉ុន្តែអ្នកចាំទីរូបនេះនៅតែមានសមាធិនិងអាចសង្គ្រោះបាល់ប៉េណាល់ទីចេញពីជើងរបស់ប្រធានក្រុម Kane បានដោយជោគជ័យ៕
ប្រភព៖ express