ឥណ្ឌា៖ បុរសម្នាក់ មកពីប្រទេសឥណ្ឌា បានជាប់ឈ្មោះនៅក្នុងកំណត់ត្រាពិភពលោកហ្គីនណេស ដែលមានអណ្ដាតវែងជាងគេបំផុតលើពិភពលោក ប្រវែងចំនួន១០.៨សង់ទីម៉ែត្រឯណោះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតាមប្រភពព័ត៌មានបានឲ្យដឹងថា បុរសរូបនេះ មានឈ្មោះថា Praveen និងអាយុទើបតែ២០ឆ្នាំប៉ុណ្ណោះ បានផ្ដួលកំណត់ត្រាពិភពលោកចាស់អណ្ដាតវែងជាងគេ ដែលវែងជាង០.៧សង់ទីម៉ែត្រ។ ហើយចំពោះអណ្ដាតដ៏វែងរបស់គាត់ អាចធ្វើរឿងមួយចំនួន ដែលមនុស្សមានអណ្ដាតប្រវែងធម្មតាមិនអាចធ្វើបាន ដូចជាលិឍចុងច្រមុះ លិឍកែងដៃ និងបត់អណ្ដាតឡើងជិតដល់ភ្នែកជាដើម។
គួររម្លឹកដែរថា កំណត់ត្រាពិភពលោកចាស់ នៃការមានអណ្ដាតវែងជាងគេ ធ្លាប់ស្ថិតនៅក្រោមការគ្រប់គ្រងរបស់បុរសម្នាក់ មកពីរដ្ឋកាលីហ្វ័រញ៉ា ដោយមានប្រវែង១០.១សង់ទីម៉ែត្រតាំងពីឆ្នាំ២០១២ បន្ទាប់ពីគាត់បានផ្ដួលកំណត់ត្រារបស់បុរសជនជាតិអង់គ្លេស ដែលមានអណ្ដាតប្រវែង៩.៨សង់ទីម៉ែត្រ៕
សូមទស្សនារូបភាពនិងវីដេអូខាងក្រោម៖
ប្រភព: ladbible