កុំប្រហែសឱ្យសោះ! សង្កាត់ស្ទឹងមានជ័យទី១ មានមនុស្សស្លាប់សរុប ១៦នាក់ហើយ ក្នុងព្រឹត្តិការណ៍ ២០ កុម្ភៈ

ភ្នំពេញ៖ ក្រុមការងារកូវីដ១៩ ប្រចាំសង្កាត់ បាន​រាយការណ៍ពីស្ថិតិកូវីដ​១៩ ព្រឹត្តិការណ៍ ២០ កុម្ភៈ ក្នុងមូលដ្ឋានសង្កាត់ស្ទឹងមានជ័យទី១ មកដល់បច្ចុប្បន្ន មានចំនួនឆ្លងសរុប ៨៥៣ នាក់ ស្មើនឹង ២៧១ ទីតាំង។ អ្នកជាសះស្បើយ សរុប ៧០៦ នាក់ បើកឲ្យដំណើរការឡើងវិញ សរុប ២១៧ទីតាំង និងមានករណី​មរណភាពដោយជំងឺកូវីដ​១៩ សរុប ១៦នាក់ហើយ។

ក្រុមការងារបញ្ជាក់ទៀតថា មានអ្នក​វិជ្ជមានកំពុងស្ថិតនៅមណ្ឌលព្យាបាល សរុប ១៤៧នាក់ ហើយសំរាប់ថ្ងៃទី៧ ខែកក្កដា ឆ្នាំ២០២១ រកឃើញ ឆ្លងថ្មីសរុប ៦នាក់ ស្មើនឹង ៣ទីតាំងបន្ថែមទៀត។

គួរជម្រាបដែរថា រហូតមកដល់​ពេលនេះ ចំនួន​អ្នកស្លាប់ដោយសារជំងឺកូវីដ១៩នៅកម្ពុជា ​បានកើនឡើងដល់ ៧៩៨នាក់ហើយ ក្នុងចំណោមអ្នកជំងឺសរុប​ ៥៧,១០៣នាក់ នៅទូទាំងប្រទេស។

ប្រភព៖ សាលាសង្កាត់ ស្ទឹងមានជ័យ