ត្រឹម៦ម៉ោងសោះ ទីក្រុងហូជីមិញរកឃើញ អ្នកមានវិជ្ជមានកូវីដ ១៩ រហូតដល់៣៤៧ ករណី

ហូជីមិញ៖ នេះបើតាមតាមការចេញផ្សាយដោយ ទីភ្នាក់ងារសារព័ត៌មានក្នុងស្រុកបានរាយការណ៍មកថា ក្រសួងសុខាភិបាលវៀតណាម បានប្រកាសរកឃើញករណីឆ្លងថ្មីៗ នៃជំងឺកូវីដ១៩ រហូដល់ ៣៤៧ ករណី ដែលវាជាតួលេខគិតត្រឹម ៦ម៉ោងចុងក្រោយនេះប៉ុណ្ណោះ។

យ៉ាងណាមិញ ក្នុងចំណោមករណី ៣៤៧ ដែលត្រូវបានរកឃើញថ្មីនេះ មាន ២៤៤ នាក់ជាអ្នក​នៅតំបន់ដាច់ស្រយាល និងរាំងខ្ទប់ ដែលនៅសល់ ១០៣ ករណីទៀតកំពុងស្ថិតក្រោមការស៊ើបអង្កេត ទទួលការព្យាបាលនៅមន្ទីរពេទ្យ។

បន្ថែមពីនេះ ការរាតត្បាតជំងឺកូវីដ ១៩ នៅវៀតណាមកំពុងមានការវិវត្ត ទៅកាន់ស្ថានការណ៍ស្មុគស្មាញ។ ជាពិសេសទីក្រុងហូជីមិញនេះតែម្តង បានក្លាយជាតំបន់ឈានមុខគេ នៅក្នុងប្រទេសក្នុងចំនួននៃការឆ្លងមេរោគ យ៉ាងឆាប់រហ័ស​ក្នុងការវាយលុករលកថ្មី នៃជំងឺមួយនេះ៕

ប្រភព៖ zingnews​

សូមទស្សនារូបភាពខាងក្រោម៖