បាងកក៖ កាលពីពេលថ្មីៗនេះ ប្រិយមិត្តអ្នកនិយមតាមដានព័ត៌មានតាមរយ:បណ្តាញសង្គមជាច្រើន ប្រាកដជាបានជ្រាបពីគ្រោះថ្នាក់អគ្គិភ័យឆេះរោងចក្រ នៅឯរោងចក្រគីមី មីង ឌីហ៍ (Ming Dih Chemical) ក្នុងស្រុកបាង ភ្លី (Bang Phli) នៃខេត្ត សាមុត ប្រាកាន (Samut Prakan) ដែលបង្កជាការខូចខាត និងបង្ខំឱ្យមានការជម្លៀសប្រជាជនចេញពីទីតាំងនេះ ចម្ងាយ ៥គីឡូម៉ែត្ររួចមកហើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ បើយោងតាមការបញ្ជាក់របស់អភិបាលខេត្ត លោក Wanchai Kongkasem បានឱ្យដឹងកាលពីថ្ងៃអង្គារថា ការខូចខាតដែលបណ្តាលមកពីអគ្គិភ័យនេះ មានវិសាលភាពធំធេងជុំវិញរោងចក្រ ដែលបណ្តាលឱ្យខូចខាតទាំងទ្រព្យសម្បត្តិឯកជន និងប៉ះពាល់ដល់មនុស្សប្រមាណ ៨០,៩១៦នាក់ផងដែរ។
ដោយឡែក លោក Varawut Silpa-archa រដ្ឋមន្រ្តីក្រសួងធនធានទឹកនិងបរិស្ថានក៏បានមានប្រសាសន៍ដែរថា នាយកដ្ឋានចាំបាច់ត្រូវត្រួតពិនិត្យគុណភាពខ្យល់ក្នុងរយៈចម្ងាយ ៣-៥ គីឡូម៉ែត្រពីរោងចក្រដែលឆាបឆេះនេះ ដើម្បីធានាសុវត្ថិភាព មុនពេលអនុញ្ញាតឱ្យប្រជាជននៅក្នុងតំបន់អាចត្រឡប់ទៅលំនៅវិញ។
គួរជម្រាបដែរថា គ្រោះអគ្គិភ័យដ៏សម្បើមនេះ បានឆក់យកជីវិតមនុស្សម្នាក់ និងរងរបួស៤០នាក់ ហើយវាត្រូវបានពន្លត់ទៅវិញ នៅម៉ោង ៥ ព្រឹកកាលពីថ្ងៃអង្គារ ក្រោមការអន្តរាគមន៍ពីសំណាក់ក្រុមអ្នកពន្លត់អគ្គីភ័យ អស់រយៈពេលជាង ២៤ ម៉ោង។
ប្រភព៖ bangkokpost