អង់គ្លេស៖ ផ្ទះមួយខ្នង ក្នុងទីប្រជុំជន Widnes មានសភាពខូចខាត បែកបាក់ និងសុទ្ធសឹងតែគំនរសំរាមពាសពេញគ្រប់ទីជ្រុងនៃផ្ទះ បានប្រកាសដាក់លក់នៅលើទីផ្សារអនឡាញកាលពីថ្មីៗនេះ ក្នុងតម្លៃ៩០,០០០ផោន (ប្រមាណ១២៥,០០០ដុល្លារអាមេរិក)។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតាមប្រភពព័ត៌មានបានឲ្យដឹងថា ផ្ទះកម្ពស់ពីជាន់ដ៏សែនកខ្វក់ និងមិនមានផាសុកភាពនេះ មានបន្ទប់គេងចំនួនបីបន្ទប់ ដែលមានទីតាំងស្ថិតនៅក្បែរសាលារៀន ហាងលក់ទំនិញគ្រប់ប្រភេទ និងបណ្ដាញដឹកជញ្ជូនមួយចំនួន។ បន្ថែមពីនេះទៀត វាមានទីធ្លាសួនច្បារមុខក្រោយផ្ទះយ៉ាងធំទូលាយ និងចំណតរថយន្ដនៅតាមផ្លូវផងដែរ។
យ៉ាងណាមិញ មកទល់ពេលនេះ មិនទាន់មាននរណាម្នាក់ទិញឡើយ តែខាងភ្នាក់ងារអចលនទ្រព្យ កំពុងព្យាយាមធ្វើយ៉ាងណាឲ្យមានអ្នកចាប់អារម្មណ៍ ទិញយកផ្ទះនេះ បើទោះជាដឹងថាពេលទិញហើយ ត្រូវជួសជុលឡើងវិញក៏ដោយ៕
សូមទស្សនារូបភាពខាងក្រោម៖
ប្រភព: Daily Mail