សង្ខារពុំទៀង! រស់នៅជាមួយជំងឺបាក់ទឹកចិត្តអស់រយ:ពេលច្រើនឆ្នាំ ទីបំផុតបវរកញ្ញាភេទទី៣ថៃរូបនេះ បានស្លាប់ហើយ

ថៃ: ជាដំណឹងដ៏គួរឲ្យតក់ស្លុត និងសោកស្តាយជាខ្លាំង ក្រោយពេលដែលនាង Thanaporn Wongprasert ធ្លាប់ជាអតីតបវរកញ្ញាភេទទី៣ របស់ប្រទេសថៃបានទទួលមរណភាពក្នុងវ័យ ៤៧ឆ្នាំ កាលពីពេលថ្មីៗកន្លងទៅនេះ។

យោងតាមប្រភព Thairath Online បានអោយដឹងថាបវរកញ្ញាប្តូរភេទថៃ Thanaporn Wongprasert បានទទួលមរណភាពនៅផ្ទះរបស់នាងកាលពីថ្ងៃទី ២ ខែកក្កដា ឆ្នាំ២០២១ ស្របពេល ក្រុមគ្រួសារមិនទាន់បានប្រកាសពីមូលហេតុនៃការស្លាប់របស់នាងនៅឡើយទេ។

ប៉ុន្តែយោងតាមប្រភពដែលបានចែករំលែកនៅលើ Page Beauty Pageant បានបង្ហើបឲ្យដឹងថា នាងThanaporn Wongprasert ធ្លាប់បានទទួលរងពីជំងឺធ្លាក់ទឹកចិត្តអស់រយៈពេលជាច្រើនឆ្នាំផងដែរ។

សូមរំលឹកផងដែលថា Thanaporn Wongprasert (អាយុ ៤៧ ឆ្នាំ) ធ្លាប់បានចូលរួមក្នុងកម្មវិធី Miss Transgender Thailand ក្នុងឆ្នាំ ១៩៩៨ និងបានឈ្នះតំណែងកំពូលក្នុងការប្រកួតថែមទៀតផង៕

ប្រភព: សារព័ត៌មាន Zing News