ស្ត្រីរូបនេះ ប្រើប្រាស់ជីវិតដូចរស់នៅក្នុងពិភពវេទមន្ត ដោយសារសម្លៀកបំពាក់ដែលគាត់ច្នៃ

រុស្ស៊ី៖ ស្ត្រីម្នាក់មានឈ្មោះថា Mariana Badianova អាយុ៥៨ឆ្នាំ មកពីប្រទេសរុស្ស៊ី បានធ្វើឲ្យជីវិតប្រចាំថ្ងៃរបស់គាត់ ហាក់ដូចជារស់នៅក្នុងពិភពវេទមន្ដ ដោយសារតែឈុតសម្លៀកបំពាក់គ្រប់ម៉ូត ដែលគាត់ច្នៃដោយផ្ទាល់ដៃ។

អ្វីគ្រប់យ៉ាង ត្រូវបានចាប់ផ្ដើមដំបូងឡើងកាលពីឆ្នាំ២០១២កន្លងទៅនេះ ដែលអ្នកស្រី Marina បានជួយកូនស្រីរបស់គាត់ច្នៃម៉ូតសម្លៀកបំពាក់សម្រាប់ថតរូប ហើយគាត់ពិតជាមានអារម្មណ៍ថាចូលចិត្តយ៉ាងខ្លាំង។ ប៉ុន្ដែពេលនោះ ការច្នៃម៉ូតហាក់មិនទទួលបានការចាប់អារម្មណ៍ឡើយ រហូតមកដល់ឆ្នាំ២០១៤ ទើបជាងថតរូបបង្ហាញការរស្ងើបសរសើរ និងចាប់អារម្មណ៍ភ្លាមតែម្ដង។ ចាប់តាំងពីពេលនោះមក អ្នកស្រីច្នៃម៉ូតសម្លៀកបំពាក់ជាច្រើន ដូចជាចោរសមុទ្រ មេធ្មប់ ស្ត្រីវិទ្យានៀ ស្ដេចអុក ស្ដេចនៃប្រទេសក្រិក ព្រះនាងម្ចាស់ និងឈុតផ្សេងៗជាច្រើនទៀត។

រាល់ឈុតសម្លៀកបំពាក់ទាំងអស់ ត្រូវបានច្នៃឡើង និងរៀបចំយ៉ាងល្អិតល្អន់ ដើម្បីចង់ចង្អុលបង្ហាញពីគំនិតរបស់គាត់ទៅកាន់ឃើញ។ ហើយគាត់ចូលចិត្តច្នៃម៉ូតបំផុត ដែលទាក់ទងទៅនឹងរឿងព្រេងនិទាន រឿងព្រេងបុរាណ យុគសម័យកណ្ដាល និងការស្រមើស្រមៃជាដើម។

យ៉ាងណាមិញ អ្នកស្រី Mariana ក៏បានផ្ដាំជាសារមួយទៅកាន់មនុស្សគ្រប់គ្នាផងដែរថា “ធ្វើអ្វីដែលអ្នកស្រលាញ់ មិនថាជាអ្វីក៏ដោយ ប្រសិនបើអ្នកធ្វើអ្វីដែលអ្នកស្រលាញ់ អ្វីដែលអ្នកពេញចិត្តនឹងធ្វើ អ្វីដែលអ្នកធ្វើដើម្បីខ្លួនឯង មិនយូរមិនឆាប់អ្នកនឹងទទួលបានជោគជ័យផងដែរ”៕

សូមទស្សនារូបភាពខាងក្រោម៖

ប្រភព: brightside.me