ម៉ិកស៊ិក៖ អស់រយៈពេលជាច្រើនឆ្នាំមកនេះ ម៉ាឡាកាំងកូនក្រមុំមួយ នៅតែធ្វើឲ្យមនុស្សជាច្រើនមានការចាប់អារម្មណ៍យ៉ាងខ្លាំង ដោយមានពាក្យចចាមអារ៉ាមខ្លះ និយាយថា វាមិនមែនជាម៉ាឡាកាំងទូទៅទេ ដែលផ្ទុយទៅវិញ វាជាសាកសពរបស់ស្ត្រីម្នាក់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សហាងលក់ឈុតសម្លៀកបំពាក់កូនក្រមុំមួយកន្លែង ឈ្មោះថា La Popular ដែលទីតាំងស្ថិតនៅក្នុងទីក្រុង Chihuahua នៃប្រទេសម៉ិកស៊ិក បានដាក់តាំងបង្ហាញម៉ាឡាកាំងមួយជាលើកដំបូងនៅថ្ងៃទី២៥ ខែមីនា ឆ្នាំ១៩៣០ ដោយមានស្លៀកនូវឈុតកូនក្រមុំ និងមើលទៅមានមុខមាត់ដូចមនុស្សអីចឹង។
ទន្ទឹមនឹងនោះដែរ មានពាក្យចចាមអារ៉ាមបានល្បីតៗគ្នាថា ម៉ាឡាកាំងនេះ គឺជាកូនស្រីរបស់ម្ចាស់ហាង និងបានស្លាប់បាត់បង់ជីវិតទៅ នៅថ្ងៃរៀបអាពាហ៍ពិពាហ៍របស់នាង ដោយសារតែពីងពាងមេម៉ាយខ្មៅខាំ។ ហើយឪពុកម្ដាយមានការស្ដាយស្រណោះ ក៏ចាក់ថ្នាំថែរក្សាសាកសព និងយកមកធ្វើជាម៉ាឡាកាំងតែម្ដង។
ងាកទៅកាន់សម្ដីរបស់បុគ្គលិកម្នាក់ឈ្មោះថា Sonia Burciaga ដែលទទួលបន្ទុកផ្លាស់ប្ដូរសម្លៀកបំពាក់ឲ្យម៉ាឡាកាំងពីរដងក្នុងមួយសប្ដាហ៍ បានអះអាងថា៖
ចំពោះអតិថិជនដែលធ្លាប់ចូលហាង បានបន្ថែមទៀតថា នៅពេលដែលពួកគេដើរមើលឈុតក្នុងហាង មានអារម្មណ៍ថាភ្នែករបស់ម៉ាឡាកាំងកំពុងសម្លឹងមកកាន់ពួកគេ។ ហើយនៅពេលដែលពួកគេងាក ក៏ស្រាប់តែឃើញម៉ាឡាកាំងប្ដូរកាយវិកាផ្សេងទៅវិញ។
យ៉ាងណាមិញ ជុំវិញរឿងរ៉ាវខាងលើនេះ មានអ្នកខ្លះជឿ និងអ្នកខ្លះទៀតមិនជឿ ហើយចំណែកអ្នកជំនាញវិញ ក៏បានបកស្រាយថា វាមិនមែនជាសាកសពឡើយ។ ដើម្បីរក្សាសាកសពបានល្អ លុះត្រាតែបរិស្ថានជុំវិញល្អឥតខ្ចោះ និងមើលថែឲ្យដិតដល់ខ្លាំងបំផុត។ តែបើទោះជាដិតដល់យ៉ាងណាក៏ដោយ ច្រើនឆ្នាំមកនេះ សាកសពក៏មិនឋិតថេរដូចដើមដែរ៕
សូមទស្សនារូបភាពខាងក្រោម៖
ប្រភព: history101 /allthatsinteresting