អបអរសាទរ! តារាស្រី Kim Yoon Ji នឹងចូលរោងការក្នុងខែកញ្ញា ឆាប់ៗនេះហើយ

សួស្តី អ្នកទាំងអស់គ្នា! ខ្ញុំ Yunjee! ខ្ញុំចង់ប្រាប់អ្នករាល់គ្នាឱ្យដឹងថា ខ្ញុំបានរកឃើញគូជីវិតរបស់ខ្ញុំហើយ ហើយនឹងរៀបការក្នុងខែកញ្ញានេះ។ គាត់គឺជាមនុស្សចិត្តល្អ ខ្វល់ខ្វាយយកចិត្តទុកដាក់ រាក់ទាក់ និង គួរឱ្យស្រលាញ់ ដែលតែងតែនៅជាមួយខ្ញុំគ្រប់កាលៈទេសៈ។ ខ្ញុំចង់ក្លាយជាប្រពន្ធរបស់គាត់។ សូមអ្នកទាំងអស់គ្នាឱ្យពរដល់ស្នេហាពួកយើងផង។ អរគុណជានិច្ចចំពោះការគាំទ្រ និង ការស្រលាញ់។

អនាគតប្តីរបស់ខ្ញុំនិងខ្ញុំបានឃើញគ្នាធំដឹងក្តីឡើង តាំងពីរៀននៅបឋមសិក្សាជាមួយគ្នាហើយគ្រួសារយើងក៏ស្គាល់គ្នាជិតដិតដែរ។ យើងបានទាក់ទងគ្នាតាំងពីមួយឆ្នាំមុន ហើយយើងបានសំរេចចិត្តរៀបការនៅសប្តាហ៍ទី ៤ នៃខែកញ្ញា។ គ្រួសាររបស់យើងមានទំនាក់ទំនងជិតស្និទ្ធណាស់ ប៉ុន្តែពួកគេមិនបានដឹងថាយើងជាមនុស្សដែលស្រលាញ់គ្នានោះទេ។ វាគឺជានិស្ស័យដ៏អស្ចារ្យ។ ខ្ញុំនឹងរស់នៅដោយរីករាយជាមួយស្វាមីដែលអាចទុកចិត្តបានគ្មានទីបញ្ចប់។បច្ចុប្បន្ននេះ ខ្ញុំកំពុងតែផ្តោតលើការរៀបចំសម្រាប់ពិធីមង្គលការរបស់ខ្ញុំ។ ខ្ញុំនឹងបន្តអាជីពជាតារាសម្តែងបន្ទាប់ពីរៀបការ។ ខ្ញុំស្នើសុំការគាំទ្រនិងការស្រលាញ់ពីអ្នកទាំងអស់គ្នាផងណា។