កូរ៉េខាងត្បូង៖ កាលពីថ្ងៃទី២៦ ខែមិថុនា ឆ្នាំ២០២១ តារាសម្តែងស្រី Han Ji Hye បានបង្ហោះរូបភាពពីរសន្លឹក នៅលើបណ្តាញសង្គម Instagram ក្រោយពីបានសម្រាលបានកូនស្រីគួរឱ្យស្រលាញ់មួយរូប។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាមួយគ្នានោះដែរ តារាស្រីរូបនេះ បានសរសេរ Caption ដូច្នេះថា៖
ខ្ញុំបានជួបជាមួយម្ចាស់ក្សត្រី Bang Gap ។ ខ្ញុំបានជួបនាងបន្ទាប់ពីឆ្លងកាត់ការវះកាត់បន្ទាន់ដែលធ្វើអោយខ្ញុំឈឺចាប់ក្នុងពេលពីរបីថ្ងៃបន្ទាប់ពីការវះកាត់។ ខ្ញុំយំយ៉ាងខ្លាំងនៅបន្ទប់ទឹកព្រោះខ្ញុំឈឺចាប់ទាំងផ្លូវកាយនិងផ្លូវចិត្ត។ ឥលូវនេះខ្ញុំកំពុងបានធូរស្រាលច្រើនហើយ ខ្ញុំពិតជាសង្ឃឹមថាខ្ញុំនឹងឆាប់ជាសះស្បើយ។ វាមិនមែនជាការងាយស្រួលទេក្នុងការធ្វើជាម្តាយមួយរូប ប៉ុន្តែខ្ញុំសប្បាយចិត្តដែលខ្ញុំបានជួបកូនដ៏ស្រស់ស្អាតដូចទេវតានេះ។ សូមអរគុណចំពោះសារអបអរសាទរទាំងអស់។ ខ្ញុំនឹងអានវាទាំងអស់!៕
គួររំលឹកដែរថា អ្នកនាង Han Ji Hye បានរៀបការជាមួយស្វាមី ជារាជអាជ្ញា នៅឆ្នាំ ២០១០ ហើយបានប្រកាសថានាងមានផ្ទៃពោះលើកដំបូង កាលពីឆ្នាំមុនប្រមាណ ១០ ឆ្នាំក្រោយរៀបការ។ នាងសម្រាលបានកូនស្រីនៅថ្ងៃទី ២៣ ខែមិថុនា ឆ្នាំ២០២១កន្លងមកនេះ៕
Bong I.T