ប្លែកអត់? ម៉ានិត ស្លៀកឈុតបុរាណលាយសម័យ មើលទៅសង្ហាអស់ស្ទះ

បាត់ដំបង៖ តារាចម្រៀងសម្លេងផ្អែមស្រទន់លោក ម៉ុង ម៉ានិត តែងតែធ្វើឲ្យអ្នកគាំទ្រពេញចិត្តជាមួយស្នាដៃតែងនិពន្ធបទភ្លេងជានិច្ច។ ជាពិសេសរាល់បទចម្រៀងនីមួយដែលលោកបានច្រៀងសុទ្ធសឹងតែពីរោះ និងទទួលបានការគាំទ្រច្រើនពីមិត្តៗយុវវ័យ។ ពិតណាស់ បើទោះបីពេលនេះលោកហាក់ស្ងាត់លើវិស័យចម្រៀង ងាកទៅតែងពន្ធសៀវភៅ តែប្រជាប្រិយភាពតារារូបនេះ នៅតែថេរមិនធ្លាក់ចុះឡើយ។

ក្រៅពីមានទេពកោសល្យតែងនិពន្ធបទភ្លេង និងសៀវភៅ ក្រឡេកទៅមើលរូបសម្បត្តិលោក ម៉ានិត វិញម្ដង គេសង្កេតឃើញរូបរាងតារារូបនេះបច្ចុប្បន្នស្អាតសង្ហាខ្លាំង។ មិនតែប៉ុណ្ណោះ ប៉ុន្មានឆ្នាំចុងក្រោយនេះ គេសង្កេតឃើញ តារារូបនេះកាន់តែពូកែតុបតែងខ្លួន ហើយអាចជ្រើសរើសសម្លៀកបំពាក់សាកសមនឹងដងខ្លួនតែម្ដង។ ម្យ៉ាងទោះស្លៀកខោអាវសាមញ្ញ ក៏មើលទៅស្អាតគួរឲ្យចាប់អារម្មណ៍ផងដែរ។

ជាក់ស្ដែង ប្រិយមិត្តធ្លាប់តែឃើញលោក ម៉ានិត តែងខ្លួនបែបយុវវ័យសម័យថ្មី តែបើងាកទៅមើលរូបភាពថ្មីប៉ុន្មានសន្លឹកដែរតារារូបនេះស្លៀកឈុតបុរាណ លាយសម័យបែបនេះទៅ ពិតជាប្លែកភ្នែកណាស់។ ក្នុងនោះដែរ ការរៀបចំខ្លួនរបស់តារាចម្រៀងរូបនេះ គឺស្លៀកតាមបែបសម័យពីដើមផងដែរ។ តួយ៉ាង បន្ទាប់ពីតារារូបនេះបង្ហោះរូបនេះមិនបានប៉ុន្មាននាទីផង ក៏ត្រូវបានហ្វេនសរសើរថាសង្ហាគ្រប់ៗគ្នាតែម្ដង៕

សូមទស្សនារូបភាពខាងក្រោម៖