អាមេរិក៖ ផ្ទះស្នាក់មួយកន្លែង ដែលត្រូវបានគេសាងសង់ឡើងនៅជាប់ផ្ទាំងថ្ម បានទាក់ទាញភ្ញៀវទេសចរយ៉ាងច្រើន ឲ្យចង់ទៅស្នាក់នៅកម្សាន្តលំហែកាយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សផ្ទះស្នាក់នេះ មានទីតាំងស្ថិតនៅភ្នំ Ute ភាគនារតីនៃរដ្ឋ Colorado ហើយមានម៉ាស៊ីនបោកគក់ ផ្ទះបាយ បន្ទប់ទឹក បន្ទប់គេងមួយគ្រែពីរ និងអាចបន្ថែមមនុស្សម្នាក់ទៀត ឲ្យគេងលើសាឡុងបានផងដែរ។ ចំពោះផ្នែកខាងក្នុង ត្រូវបានដេគ័រឡើងដោយគ្រឿងសង្ហារិមធម្មតា តែមើលទៅមានផាកសុខភាព បូករួមទាំងបរិយាកាសយ៉ាងល្អ និងធម្មជាតិខាងក្រៅគយគន់ទៅ ធ្វើឲ្យបាត់ទុក្ខកង្វល់។
ទន្ទឹមនឹងនេះដែរ ម្ចាស់ផ្ទះស្នាក់ បាននិយាយថា៖
ផ្ទះស្នាក់មានទីតាំងស្ថិតនៅតំបន់ធម្មជាតិ ដែលតែងតែមានសត្វល្អិត ជីងចក់ កញ្ជ្រោង ក្ដាន់ តោភ្នំ ឆ្មាព្រៃ និងសត្វផ្សេងៗទៀតរស់នៅ។ ហើយប្រសិនវត្តមានរបស់សត្វទាំងនេះ ធ្វើឲ្យអ្នកភ័យខ្លាច ដូច្នេះវាមិនមែនជាកន្លែងសម្រាប់អ្នកលំហែកាយឡើយ។
យ៉ាងណាមិញ ផ្ទះស្នាក់ខាងលើនេះ ត្រូវបានដាក់ឲ្យកក់ជាមុនសម្រាប់អ្នកដែលចង់មកស្នាក់កម្សាន្ត ដែលក្នុងមួយយប់មានតម្លៃចំនួន៣៣៤ដុល្លារអាមេរិក៕
សូមទស្សនារូបភាពខាងក្រោម៖
ប្រភព: Daily Mail
Bong I.T