ចិន៖ បុគ្គលិកនៅក្រុមហ៊ុនបច្ចេកវិទ្យា Canon អាចចូលទៅក្នុងការិយាល័យធ្វើការបាន លុះត្រាតែពួកគេញញឹម បន្ទាប់ពីកាមេរ៉ា AI តំឡើងកម្មវិធី “កត់សម្គាល់ស្នាមញញឹម”។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សការតំឡើងកម្មវិធីនេះឡើង ក្នុងគោលបំណងចង់ឲ្យបុគ្គលិកទាំងអស់ មានស្នាមញញឹមនៅលើមុខរបស់ពួកគេ និងបង្កើតបរិយាកាសវិជ្ជមានក្នុងការិយាល័យធ្វើការ រួមទាំងបង្កើនស្មារតីធ្វើការ។
តាមសម្ដីរបស់អ្នកនាំពាក្យបានឲ្យដឹងដែរថា បុគ្គលិកភាគច្រើនមានភាពខ្មាស់អៀន មិនហ៊ានញញឹមទេ ប៉ុន្ដែនៅពេលពួកគេឧស្សាហ៍ញញឹមនៅក្នុងការិយាល័យ នោះនឹងក្លាយជាទម្លាប់ រហូតដល់មិនចាំបាច់ញញឹម ដោយមានប្រព័ន្ធកាមេរ៉ាសម្គាល់ស្នាមញញឹមទៀតឡើយ។ ហើយបរិយាកាសក្នុងការិយាល័យធ្វើការ នឹងមានតែភាពរស់រវើក។
យ៉ាងណាមិញ មានបុគ្គលិកត្អូញត្អែរផងដែរ ដោយលើកឡើងថា នេះជាវិធីបោកប្រាស់អារម្មណ៍របស់ពួកគេ ព្រោះពួកគេត្រូវបង្ខំចិត្តញញឹមរាល់ពេលចង់ចូលការិយាល័យធ្វើការ និងកក់បន្ទប់ប្រជុំម្ដងៗ ដែលឥឡូវនេះ ខាងក្រុមហ៊ុនមិនត្រឹមតែកត់សម្គាល់ពេលវេលាទេ ថែមទាំងកត់សម្គាល់អារម្មណ៍ទៀត៕
សូមទស្សនារូបភាពខាងក្រោម៖
ប្រភព: Daily Mail