អេស្ប៉ាញ៖ លោកប្រធានក្របខណ្ឌ La Liga របស់អេស្ប៉ាញគឺ Javier Tebas បានដាស់តឿនក្លិបអ្នកមានបុណ្យ Barcelona ថាក្លិបនឹងមិនអាចផ្ដល់កុងត្រាថ្មីដល់កំពូលខ្សែប្រយុទ្ធ Lionel Messi បាននោះទេបើសិនជាក្លិបចាយប្រាក់ខែទៅលើកីឡាករក្នុងក្រុមលើសពីចំនួនដែលបានព្រមព្រៀងជាមួយក្របខណ្ឌ La Liga ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកុងត្រារបស់ Messi ជាមួយ Barcelona នឹងអស់សុពុលភាពនៅចុងខែមិថុនានេះហើយខណៈដែលលោកប្រធានក្លិប Joan Laporta ធ្លាប់បានបង្ហើបថាកីឡាករសញ្ជាតិអាហ្សង់ទីនរូបនេះនឹងបន្តកុងត្រាជាមួយក្លិបដោយស្នាក់នៅទឹកដី Camp Nou បន្តទៀតប៉ុន្តែដោយសារស្ថានភាពហិរញ្ញវត្ថុរបស់ក្លិបដុនដាបពេកទើបលោក Tebas មើលឃើញថាមានតែការកាត់បន្ថយការចំណាយលើប្រាក់ខែកីឡាករទេទើបអាចធ្វើឲ្យ Messi ស្នាក់នៅបន្តបាន។
Barcelona ក៏ទើបតែនាំយកកីឡាករថ្មីៗជាច្រើននាក់ដូចជា ខ្សែប្រយុទ្ធ Sergio Aguero,Eric Garcia,Emerson Royal និង Memphis Depay ដូច្នេះដើម្បីក្លិបត្រូវចំណាយប្រាក់ខែកីឡាករច្រើនលើសកម្រិត ទើបក្លិបចាំបាច់ត្រូវលក់កីឡាករក្នុងក្រុមចេញខ្លះដូចជា ខ្សែបម្រើ Phillipe Coutinho ,Samuel Umtiti ,Junior Firpo, Miralem Pjanic, Neto, Matheus Fernandes និង Martin Braithwaite អាចនឹងត្រូវលក់ចេញ។
ប្រាក់ខែសរុបរបស់កីឡាករនៅ Barcelona បានកាត់បន្ថយពី ៦៧១លានអឺរ៉ូ(ស្មើនឹងប្រមាណ៧៩៨លានដុល្លារ)នៅរដូវកាល ២០១៩/២០២០ មកត្រឹម ៣៨២.៧លានអឺរ៉ូ(ស្មើនឹងប្រមាណ៤៥៥.១លានដុល្លារ)នៅរដូវកាលនេះខណៈ បំណុលដែលក្លិបជំពាក់គឺមានដល់ទៅ ១.២កោដិអឺរ៉ូ(ស្មើនឹងប្រមាណ១.៤កោដិដុល្លារ)ឯណោះ។
ដូច្នេះក្របខណ្ឌ La Liga ចាំបាច់ត្រូវហាមប្រាមមិនឲ្យ Barcelona ចុះកុងត្រាយក Messi ដោយសារក្លិបចាយប្រាក់ខែលើកីឡាករច្រើនលើសចំនួនដែលបានព្រមព្រៀងគ្នា។
លោក Javier Tebas បានថ្លែងប្រាប់ Mundo Deportivo ថា៖
ប្រភព៖ mirror