បរទេស៖ ក្នុងរយៈពេល២៦០លានឆ្នាំចុងក្រោយ ដាយណូស័រមានវត្តមាននិងផុតពូជទៅវិញ ហើយមហាទ្វីប Pangea បានរសាត់បែកចេញពីគ្នា បង្កើតជាទ្វីបនិងកោះដែលយើងបានឃើញ ដូចពេលបច្ចុប្បន្ន។ ការសិក្សាថ្មីមួយបង្ហាញថា ព្រឹត្តិការណ៍ភូគព្ភសាស្ត្របុរាណបានបញ្ជាក់ថា ផែនដីរបស់យើងមានចង្វាក់ជីពចរ លោតយឺតនិងថេរ នៅរៀងរាល់ជាង២៧លានឆ្នាំម្ដង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សសន្ទុះនៃព្រឹត្តិការណ៍ភូគព្ភសាស្ត្រ រួមានសកម្មភាពភ្នំភ្លើង ការផុតពូជទ្រង់ទ្រាយធំ និងការកើនកម្រិតកម្ពស់ទឹកសមុទ្រ គឺមានភាពយឺត បង្កើតបានជាវដ្ដនៃគ្រោះមហន្តរាយរៀងរាល់២៧.៥លានឆ្នាំ។ ប៉ុន្តែសំណាងណាស់ ក្រុមអ្នកស្រាវជ្រាវបានបង្ហាញថា ពួកយើងមានពេលរហូតដល់២០លានឆ្នាំទៀត ទើបជួបប្រទះព្រឹត្តិកាណ៍នេះម្ដងទៀត។
ភូគព្ភវិទូជាច្រើនជឿថា ព្រឹត្តិកាណ៍ភូគព្ភសាស្ត្រកើតឡើងដោយចៃដន្យ តាមពេលវេលា នេះបើតាមសម្ដីរបស់លោក Michael Rampino ជាភូគព្ភវិទូនៅសាកលវិទ្យាល័យញូវយ៉ក និងជាអ្នកដឹកនាំការសិក្សា។ ប៉ុន្តែលោកក៏បាននិយាយទៀតថា ក្រុមរបស់លោកមានភស្ដុតាងស្ថិតិ សម្រាប់វដ្ដរួមមួយ ដែលបង្ហាញថាព្រឹត្តិកាណ៍ភូគព្ភសាស្ត្រទាំងនេះមានទំនាក់ទំនងនឹងគ្នា មិនមែនជារឿងចៃដន្យនោះទេ។ ពួកគាត់បានរកឃើញថា ព្រឹត្តិការណ៍ភូគព្ភសាស្ត្រពិភពលោកទាំងនេះ ជាទូទៅកើតមានឡើង១០លើក នៅលើចំណុចពេលវេលាក្នុងរយៈពេលជាង២៦០លានឆ្នាំ មានន័យថាចលនាជីពចរកើតមានឡើងប្រហែល២៧.៥លានឆ្នាំម្ដងពីគ្នា៕