អាមេរិក៖ មហាជនអ្នកប្រើប្រាស់បណ្ដាញសង្គម Tik Tok បានសម្ដែងការភ្ញាក់ផ្អើល និងបញ្ចេញមតិរិះគន់បន្ដិចបន្ដួច ជុំវិញវីដេអូឃ្លីបមួយ ដែលថតបង្ហោះចែកចាយនូវសកម្មភាព បុគ្គលិកប្រុសម្នាក់ លោតចូលឡាបូលាងចាន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតាមប្រភពព័ត៌មានបានឲ្យដឹងថា វីដេអូឃ្លីបនេះ ត្រូវបានថតឡើងនៅភោជនីយដ្ឋាន Taco Bell កាលពីសប្ដាហ៍មុន ហើយយកទៅបង្ហោះចែកចាយដោយទទួលបានការចាប់អារម្មណ៍យ៉ាងខ្លាំង រហូតដល់មានអ្នកចុចចូលទស្សនាចំនួន១៧លានដង។
ជាក់ស្ដែង តាមរយៈវីដេអូឃ្លីប បង្ហាញឲ្យឃើញថា បុគ្គលិកប្រុសរូបនោះ បានឈរនៅលើកៅអីមួយ ជាមួយនឹងទឹកមុខពោរពេញដោយក្ដីរីករាយ ហើយបន្ដិចក្រោយមក គាត់ក៏បានលោតចូលទៅក្នុងឡាបូលាងចាន ដែលបណ្ដាលឲ្យខ្ទៀតទឹកខ្ចាយពេញផ្ទះបាយ។
យ៉ាងណាមិញ ក្រោយពីវីដេអូល្បីល្បាញរួចមក បុគ្គលិករូបនោះ បានបង្ហាញអត្តសញ្ញាណរបស់ខ្លួន ដែលមានឈ្មោះថា Steven មកពីរដ្ឋ Virginia ខាងលិចនៃសហរដ្ឋអាមេរិក។ ចំពោះមូលហេតុគឺ ដើម្បីអបអរថ្ងៃចុងក្រោយរបស់គាត់ ដែលបានបម្រើការងារនៅភោជនីយដ្ឋានអស់រយៈពេល៣ឆ្នាំកន្លងមក ហើយទីបំផុតគាត់នឹងចាប់ផ្ដើមការងារថ្មី ធ្វើជាអ្នកឡាយលេងហ្គេមផងដែរ៕
សូមទស្សនារូបភាពនិងវីដេអូខាងក្រោម៖
ប្រភព: Daily Mail