អឺរ៉ុប៖ ខ្សែបម្រើ Billy Gilmour របស់ក្លិបតោខៀវ Chelsea និងក្រុមជម្រើសជាតិស្កុដឡែន៍ បានធ្វើតេស្តវិជ្ជមានវីរុសកូវីដ១៩ នេះបើយោងតាមសារផ្លូវការរបស់ សហព័ន្ធកីឡាបាល់ទាត់របស់ស្កុដឡែន៍។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
កីឡាករវ័យ២០ឆ្នាំរូបនេះនឹងត្រូវដាក់ឲ្យនៅដាច់ដោយឡែករយៈពេល១០ថ្ងៃខាងមុខដើម្បីទទួលការព្យាបាល ដែលវាជារឿងគួរឲ្យសោកស្តាយមួយព្រោះ Gilmour ទើបតែបានលេងឲ្យក្រុមឈុតធំរបស់ស្កុដ៍ឡែនបាន១ប្រកួតគត់ និងថែមទាំងបានជាប់ជាកីឡាករឆ្នើមប្រចាំការប្រកួតទៀតផង។
Gilmour នឹងគ្មានវត្តមានក្នុងការប្រកួតជាមួយ ក្រូអាត នោះឡើយខណៈអនាគតក្រុមទាំងមូលនៅមិនទាន់ច្បាស់ថាអាចបន្តទៅវគ្គ១៦ក្រុមឬយ៉ាងណានោះឡើយ។
សហព័ន្ធកីឡាបាល់ទាត់ស្កុដឡែន៍ បានប្រកាសទាក់ទងនឹងរឿងនេះថា៖
ពួកយើងអាចបញ្ជាក់បានថា Billy Gilmour បានឆ្លងវីរុសកូវីដ១៩ ដោយមានការជ្រោមជ្រែងពីសេវាសុខាភិបាលរបស់អង់គ្លេស គេនឹងត្រូវស្នាក់នៅដាច់ដោយឡែកចំនួន១០ថ្ងៃ និងត្រូវខកខានការប្រកួតទល់នឹង ក្រូអាត នៅព្រឹត្តិការណ៍ UEFA Euro 2020 នៅឯកីឡដ្ឋាន Hampden៕
ប្រភព៖ caughtoffside
Bong I.T