សំណព្វចិត្តគ្រូផង! Southgate ថានឹងមិនដកកីឡាករម្នាក់នេះ ចេញពីជម្រើស១១នាក់ដំបូងទល់នឹង ឆេក ទេ

អង់គ្លេស៖ អ្នកគាំទ្រមួយចំនួនរបស់តោកំណាចអង់គ្លេស បានស្នើសុំឲ្យលោកគ្រូបង្វឹក Gareth Southgate ដកខ្សែប្រយុទ្ធ Harry Kane ចេញពីជម្រើស១១នាក់ដំបូងក្នុងការប្រកួតរវាង អង់គ្លេស ជាមួយ ឆេក ដែលធ្វើឡើងនៅយប់ម៉ោង២ទាបភ្លឺ ថ្ងៃទី២៣ ខែមិថុនា ប៉ុន្តែលោកគ្រូបានច្រានចោលថាមិនដក Kane ចេញឡើយ។

ទម្រង់លេងរបស់ Kane ហាក់ធ្លាក់ជើងជាងមុនដោយមិនអាចរកគ្រាប់បាល់បានតាំងពី Euro 2020 បើកឆាក ជាហេតុបណ្ដាលឲ្យលោកគ្រូប្ដូរគេចេញទាំងក្នុងការប្រកួតជាមួយ ក្រូអាត និង ស្កុដ៍ឡែន៍។

Southgate បានការពារ Harry Kane និងនិយាយថាប្រធានក្រុមរូបនេះនៅតែជាកីឡាករស្នូលរបស់ក្រុម ដោយជឿថា Kane នឹងអាចដឹកនាំឲ្យអង់គ្លេស ឈ្នះការប្រកួតបើទោះបីជា អង់គ្លេស បានឆ្លងទៅវគ្គ ១៦ក្រុមដោយជោគជ័យហើយក៏ដោយ។

Southgate បានថ្លែងប្រាប់ ITV Sport ថា៖

គួររម្លឹកផងដែរថា Harry Kane ស៊ុតបញ្ចូលទីបាន៣៤គ្រាប់ក្នុងការបង្ហាញខ្លួន ៥៦ ប្រកួតឲ្យក្រុមជម្រើសជាតិអង់គ្លេស៕

ប្រភព៖ metro